الفصل الأول
«كسرة قلب»
تهاوت على المقعد بانهيار تام لا تصدق ما استمعت إليه، هل ما قاله حقيقة أم أنها تتوهم؟! فاقت من شرودها على صوته وهو يكمل حديثه بأسف:
-عارف إنك مصدومة بس غصب عني مش بايدي.
نهضت من مكانها وتساءلت بذهول:
-هو اللي إنتَ قُلته ده حقيقة؟ إنتَ أنهيت ارتباطنا يا حسان؟ هونت عليك؟ هان عليك قلبك يقولها ولسانك ينطقها؟ للدرجة دي أنا رخيصة بالنسبة ليك؟
هتف بلهفة:
-لأ والله يا حبيبتي ماهونتش عليا بس غصب عني والله.
صاحت بانفعال:
-بس كفاية مش عايزة أسمع ولا حرف منك هو إيه اللي غصب عنك؟ إنتَ عيل صغير مش قادر تاخد قرار لوحدك؟ طيب اتجوزتني ليه طالما إنتَ مش صاحب القرار؟ مش كل واحد كان راح لحاله عشان والدك رفض وإنتَ اتجوزت، جيت وأترجتني نتجوز من وراهم وإنتَ تقنعهم مع الوقت مشيت وراك وسمعت كلامك زي الهبلة وفي النهاية إيه انفصال بعد إيه مفيش مكملتش حتى سنة زواج، وده كله ليه عشان والدك خلاك تنفصل عني وإنتَ مقدرتش حتى تدافع عني وعن شرفي اللي هو الوقتِ شرفك إنتَ، طيب ليه عشمتني إنه هيوافق ليه خلتني أتجوزك بعد ده كله جاي تنهي ارتباطنا بكل سهولة كده؟ طيب ليه اتجوزتني؟ استفدت إيه بعد ما اتجوزتني وانهيت ارتباطنا وهعيش منفصلة هتبقى مرتاح كده الله يسامحك روح امشي يلا الله يسهلك بعيد عني، ويعوضني عن اللي إنتَ عاملته فيا.
نظر في الأرض بخزي لا يجرؤ على رفع رأسه أو النظر إليها من الأساس، وضع يده في جيبه ومد يده إليها بشيك، وهتف بحرج:
-اتفضلي ده مؤخرك ومستحقاتك.
طالعته باستحقار وقالت:
-أطلع بره ومش عايزة اشوف وشك تاني وخد فلوسك معاك حد الله بيني وبين فلوسك.
ألقى عليها نظرة أخيرة وغادر المكان دون أن ينطق بحرف واحد فليس لديه ما يقوله أو يدافع به عن نفسه من الأساس.
بعد مغادرته تهاوت هي على أقرب أريكة، و أجهشت في بكاء مرير وهي تردد بحسرة:
-اللهم أجرني في مصيبتي واخلفني خيرًا منها يا رب العالمين هعمل إيه يا رب وهروح فين ولا ليا أهل ولا حد كنت صاينة نفسي وعايشة في حالي، إيه بس اللي خلاني أتزوجه أهو الوقتِ بقيت منفصلة يعني الناس هتفتكر إني سهلة يا رب الصبر والعوض من عندك يا رب العالمين.
٭٭٭٭٭
لا يعلم كيف وصل إلى الصعيد، ولا كيف قاد سيارته من الأساس هبط من السيارة ودلف داخل القصر بخزي وانكسار، ولكن قبل أن تطأ قدماه المكان وجد والده يقف أمام بوابة القصر الداخلية مستندًا على عصاه الأبنوس، وقف مكانه في مواجهة والده.
طلقت المصراوية؟
أجاب بانكسار:
-أيوه يا أبوي انهيت ارتباطنا.
تبسم والده بزهو وقال:
-كويس كده تبقى ابني بحق وصحيح.
رفع رأسه ورمق والده بعتاب وتسأل:
-ذنبها إيه يا أبوي قولي غلطة واحدة عملتها؟
أجاب ببرود:
-مصراوية وكمان أبوها وأمها غائبين وعايشة لوحدها يعني أكيد ماشية على حل شعرها.
صاح الآخر بانفعال:
-لأ يا بابا مراتي كانت أشرف من الشرف، ومتربية أحسن تربية.
تبسم والده باستهزاء وقال:
-أه ما هو واضح التربية اللي خلتك بتعلي صوتك على أبوك يا محترم.
أخفض رأسه باحترام، واستطرد بإيضاح:
-لأ عشت ولا كنت لما أغلط في حضرتك أو أعلي صوتي على حضرتك بس ربنا ما مش بيرضى بالظلــ,,ـــــم.
ضــ,,ـــــرب والده بعصاه أرضًا بقوة، وصاح بانفعال:
-قصدك إني ظالم؟!
أجاب بلهفة:
-مش قصدي يا بابا بس أنا بدافع على مراتي اللي مشوفتش منها خير كل خير.
رد والده بغلظة:
-قصدك اللي كانت مراتك يا ولد أبوك، مراتك فوق في أوضتك لكن المصراوية خلاص مبقتش مراتك خلاص، أطلع شوف مراتك وراضيها ومن هنا ورايح مفيش نزول مصر خالص.
اتسعت عين الآخر بصدمة، وتسأل بعدم استيعاب:
-هتحبسني يا أبوي ؟
رد بنفاذ صبر:
-لأ مش بحبسك بس خايف تحن ليها وتروح تردها من ورايا.
تبسم بمرارة وقال:
-اطمئن حتى لو أنا عايز كده هي مش هتوافق آخر حاجة ممكن تتمنى تشوفها في حياتها حاليًا هي وشي بعد اللي عملته فيها.
تهكم والده بسخرية:
-والله؟ ليه عملت فيها إيه؟ مش كفاية العز اللي كانت عايشة فيه. ولا المؤخر اللي أخدته يعيشها ملكة.
ارتسمت على شفتيه ابتسامة باهتة واسترسل بإبانة:
-رفضت تاخد المؤخر يا بابا مش عايزة حاجة مني.
تنحى الآخر جانبًا وهتف بأمر:
-أدخل يلا وروح راضي مراتك وأنسى المصراوية دي خلاص اعتبرها غابت ودفــ,,ـــــنت سامع؟
رد بأسى:
-سامع.
٭٭٭٭٭
كانت تجلس فوق الفراش تطلع أمامها بشرود، فتح الباب ودلف زوجها، وأغلق الباب خلفه، وتحرك تجاه الفراش وجلس في مقابلتها وتحدث بهدوء:
-عاملة إيه؟
أجابت بهدوء:
-الحمد لله.
هتف بتردد:
-إنتِ كويسة؟
أومأت بتأكيد:
-قولتلك أيوه الحمد لله.
أطلق زفيرًا حادٍ بثقل، واسترسل حديثه بجدية:
-أنا خلاص انهيت ارتباطنا أنا عارف إنك مصدومة وزعلانة وده حقك بس أنا كنت أعرفها من زمان وكنت عايز اتجوزها من قبل ما أعرفك من الأساس.
تبسمت بهدوء وردت:
-مفيش داعي إنك تبرر حاجة أنا عارفة ظروف زواجنا كويس أوي مش محتاج تبرر حاجة .
صمتت قليلًا، وبعدها تسألت بحذر:
-إنتَ انهيت ارتباطك بيها؟
أومأ بايجاب:
-أيوه.
سألت بفضول أكبر:
-كنت بتحبها؟
أومأ بتأكيد، واسترسل بشجن:
-أيوه أصل هي صعب متتحبش إنسانة جميلة قلبًا وقالبًا عارف إني المفروض مقولش ليكي الكلام ده بس غصب عني مهما قلت مش هقدر أوفيها حقها ربنا يصلح حالها يا رب العالمين ويعوضها خير عن اللى عملته فيها.
ربتت على كتفه بحنان وقالت:
-استهدى بالله وهون على نفسك أنا عايزة أقولك حاجة أنا عارفة إنه مش وقته.
تسأل باهتمام:
-حاجة إيه؟
أجابت بخجل:
-أنا حامل.
اتسعت عينيه بعدم استيعاب:
-حامل؟
أومأت بايجاب:
-أيوه إنتَ زعلان؟
حرك رأسه نافيًا وقال:
-لأ لأ أكيد فرحان بس من المفاجأة مبارك ربنا يتمملك بخير يا رب العالمين عايزك تنسى كل حاجة وتركزي في نفسك وتهتمي بصحتك عشان البيبي اللي جاي.
أطلقت تنهيدة وقالت:
-أنا حابة أطلب منك حاجة.
طلع لها باهتمام، واستطرد باستفهام:
-أكيد طبعًا اتفضلي.
هتفت برجاءٍ:
-عايزاك تحب ابني.
رمقها بعتاب وقال:
-إنتِ بتهزري صح؟ ده ابني في حد ميحبش ابنه ده سؤال بردو؟
أجابت بإيضاح:
-قصدي يعني عشان الطفل ابني مش ابنها هي.
أخذ نفس عميق وقال:
-مع الأسف خلاص راحت وحكايتها خلصت انسيها وابنك سواء منها أو منك فهو ابني حاولي تتعايشي يا بنت الناس هي خلاص راحت لحال سبيلها وإحنا في حالنا.
أومأت بتفهم:
-حاضر.
تبسم بهدوء وقال:
-يحضرلك الخير وأوعدك أراعي ربنا فيكي بإذن الله عشان إنتِ طيبة وبنت حلال وتستاهلي الخير.
نهض من مكانه بتثاقل وقال:
-أنا هدخل أخد شاور بعد إذنك.
ردت باختصار:
-أتفضل.
تحرك تجاه المرحاض دلف إلى الداخل، وأغلق الباب خلفه وأطلق زفيرًا حادٍ، وأغمض عينيه بشرودٍ لا يصدق ما مر به يشعر أنه في كابوس بشع يتمنى أن يستيقظ منه في أقرب وقت ممكن وتعود الحياة كما كانت…
٭٭٭٭٭
بعد مرور ثمانية أشهر كان يقود سيارته بسرعةٍ كبيرة، وزوجته تجلس إلى جواره ترتجف من الخوف، تضع يدها على بطنها المنتفخة وتقول بصوتٍ مرتعش:
-هَوِّن السرعة يا حسان، بالله عليك.
التفت إليها زوجها بعينين يملأهما الأسف وقال:
-غصب عني يا حبيبتي، لازم أسرع قبل ما يلحقونا.
ثم وجَّه نظراته نحو بطنها المنتفخة وسأل بقلق:
