الفصل الأول
نزاع الصعايده
وقف ينظر إليها بغضب شديد ثم تحدث مردفًا: “إيه عندي أقول ده تاني؟”
ريتاج بتوتر: “بقول إني هتجوزه، أنا مليش علاقة بالخلاف اللي بينكم، انتوا حاربوا بعض وأنا مليش علاقة.”
نظر إليها بعيون نارية ثم اقترب منها وتحدث بغضب مردفًا: “تتجوزي مين يا بنت الرشيدي؟ عاوزة تتجوزي عدوي ده؟ بأحلامك، واسمعي بقى كلامي وحطيها في ودنك، فرحك عليا الأسبوع الجاي. أنا كنت بقول إنك بنت عمي وزي أختي ومستحمل جنانك، بس جالنا من البندر.”
ريتاج بألم وغضب: “مستحيل اتجوزك، انت اتجننت، أنا مش بحبك.”
مهاب بغضب: “كلامي انتهى، فرحنا الأسبوع الجاي غصب عنك وعن الكل، ووريني هتتجوزي ابن السمدوني ازاي.”
ألقى مهاب كلماته وخرج من الغرفة ثم صرخ على الخدم وجميع الموجودين، فجاءت والدته وجدته وأخته والجميع.
شكرية الجدة: “خير يا ولدي، إيه اللي حصل؟”
مهاب بحدة: “أنا هتجوز ريتاج الأسبوع الجاي، عايزكم تحضروا للفرح.”
زهيرة الأم: “واه واه يا ابني، وإيه اللي حصل علشان تتجوز بنت عمك؟”
شكرية بحدة: “قصدك إيه يا زهيرة؟ مش عاوزاه يتجوز بنت عمه؟ مهاب عمل الصح، دي لحمه ودمه وهو أولى بيها.”
زهيرة بضيق: “مقصدش حاجة يا أمه، بس ده خبر مفاجئ، يعني من امتى ومهاب عاوز يتجوز ريتاج؟ طول عمره بيعاملها زي أخته وهالة بالظبط، وهو خاطب بنت النجار، عاوزة أفهم إيه اللي حصل.”
مهاب بعصبية: “من غير ما حد يفهم حاجة، الفرح الأسبوع الجاي، حضروا نفسكم واعزموا شيوخ البلد وخلي خالي يدبح الدبايح، عاوز البلد كلها تعرف إن فرح مهاب الرشيدي على بنت عمه الأسبوع الجاي، واعزموا خاله، وريتاج ابعتهولها حد يجيبها من القاهرة، تمام.”
في أحد البيوت وقف الشاب وعلى وجهه علامات الغضب الشديد ثم تحدث بعصبية مردفًا: “أنا مليش صالح بكل ده، عداوتي حاجة وجوازي من ريتاج حاجة تانية.”
صالح العم: “كيف يعني هتتجوز واحدة عيلتها من أكبر أعدائنا؟ هتتجوزها وانت عاوز تؤذي ولد عمها؟”
سراج بغضب: “هي بتحبني وأنا بحبها وعاوز اتجوزها غصب عن عيلة الرشيدي كلها.”
صالح بعصبية: “افهم يا غبي، مش عيلة الرشيدي اللي تتعمل حاجة غصب عنهم، انت عارف زين مهاب ممكن يعمل إيه، عاوز تتجوزها غصب عنهم كيف؟ والله ابن الرشيدي يقدر يؤذي كل رجالة العيلة ويسيب الحريم بس، بنت أخوه ومش معنى إن البنت متعلمة في البندر تبقى مش متربية.”
وفجأة دخل الغفير وتحدث بلهفة مردفًا: “يا حج يا حج.”
صالح بعصبية: “عاوز إيه يا حمار؟”
الغفير: “البلد كلها بتحكي إن فرح مهاب بيه الأسبوع الجاي.”
صالح بدهشة: “كيف ده؟ لسه خاطب بنت النجار من شهرين بس.”
الغفير: “لأ يا حج، مش بنت النجار، هيتجوز بنت عمه اللي عايشة من البندر.”
سراج بغضب: “انت بتقول؟”
“إيه عاد جنيت؟ هيتجوز بنت عمه كيف؟”
الغفير بخوف: “والله يا بيه ده اللي سمعته.”
سراج بغضب: “غور من وشي.”
ذهب الغفير بسرعة فتحدث صالح بعصبية مردفًا: “امسك حالك شوية، مينفعش كده.”
سراج بغضب شديد: “أنا هجتله، أقسم بالله الجوازة دي ما هتم غير على جثتي، مش ولد السمدوني اللي يحصل فيه كده.”
وفجأة تلقى صفعة قوية على وجهه فالتفت سراج ووجد والدته أمامه وعلي وجهها علامات الغضب الشديد فتحدث صالح بضيق: “ليه كده يا حجه؟ بهد العمر ده كله تمدي يدك على ابنك.”
فوزية بغضب شديد: “هو فين ابني ده عاد؟ أنا شايفه جدامي شاب بايظ، نسي تار أبوه وعاوز يتجوز بنت عدوه الوحيد، لع ومش كده وبس، عاوز كمان يدخل في خلاف مع عدوه علشان حرمه بعد ما ربيته كل الوقت ده علشان أشوفه مبير جدامي وراجل المل يخاف منه ويخاف من صناع اسمه، جاي دلوقتي السمدوني فين تربيتي ليك؟”
سراج بضيق: “موجودة يا أمه، أنا آسف سامحيني، عواطفي غلبت قلبي، مكنش قصدي، أنا حبيتها غصب عني.”
فوزية بعصبية: “يبقى تجتل قلبك ده تخرجه وتحط مكانه حجر لا تنكسر ولا تنشال.”
سراج بحزن: “مش هقدر يا أمه، أنا بحبها وعاوزها.”
نظرت فوزية حولها حتى وجدت أداة على طبق الفاكهة فأخذتها ووضعتها على صدرها فانصدم سراج وصالح وتحدث بلهفة: “نزلي الأداة يا حجه.”
سراج بلهفة: “نزلي الأداة يا أمه.”
فوزية بعصبية: “أحسن ليا إني أأذي نفسي وأرحل بدل ما أشوف ابني بعد العمر ده كله بيتجوز بنت العيلة اللي آذت أبوه.”
سراج بحزن: “خلاص يا أمه، والله مليش صالح بيها من دلوقتي، نزلي، أبوس يدك.”
فوزية: “هنزلها، بس ده وعد، ولو خلفت بوعدك والله العظيم لأأذي نفسي.”
سراج بحزن: “حاضر.”
في المصنع عند مهاب كان يمر على العمال وفجأة سمع صوتًا والحارس يحاول منعها فجاء ياسر صديق مهاب وتحدث معه: “في إيه عاد؟”
الحارس: “يا بيه دي بنت كل يوم تيجي هنا، بتقول إنها عايزة تقابل مهاب بيه.”
مهاب بحدة: “سيبوها، تعالي هنا.”
اقتربت الطفلة من مهاب ثم تحدثت ببكاء مردفة: “عاوزة أشوف مهاب.”
مهاب: “أنا مهاب، قوليلي عاوزاني في إيه.”
نظرت الطفلة إلى ياسر ثم تحدثت بخوف مردفة: “لأ، عاوزة أتكلم معاك انت والراجل الواقف ده لوحديكم.”
نظر مهاب إلى ياسر ثم تحدث بضيق: “طيب تعالي معايا.”
ذهبت الطفلة خلفه حتى وصلوا إلى المكتب فجلس مهاب وياسر وتحدث بابتسامة: “بقينا لوحدينا، قولي عاوزاني ليه.”
أخرجت الطفلة صورة من حقيبتها الصغيرة ووضعتها أمام مهاب فأخذها ونظر إليها وفجأة انتفض من مكانه عندما رآها.
اكمل ولا لا.
الفصل الثاني
نزاع الصعايده
انتفض مهاب من مكانه عندما رأى الصورة.
ثم اقترب من الطفلة بسرعة وتحدث بلهفة مردفًا: “جبتيها منين الصورة دي؟ قوليلي بسرعة، وانتي مين واسمك إيه؟”
الطفلة بخوف: “اسمي وعد، ومعرفش مين أهلي، بس كنت متربية في الملجأ وهربت، وكان في بنت صاحبتي هناك هي اللي عطتني الصورة دي وقالتلي على العنوان واسمك وحلفتني إني لازم أديها لك، وكمان بتقولك رسالة.”
مهاب بحدة: “إيه هي؟ قولي.”
وعد بارتباك: “بتقولك حكم قلبك مرة واحدة في حياتك علشان تعرف الخطة اللي بتحصل حواليك.”
ياسر بدهشة: “أنا مش فاهم حاجة، وإيه الصورة دي؟”
مهاب: “الصورة دي فيها صورة أبوي وهو بيتعرض لأذى، وبنت صغيرة واقفة جنبه.”
وعد: “أنا همشي، وصلت الأمانة وعملت اللي عليا.”
مهاب بضيق: “هتروحي فين؟ بتقولي إنك هربتي من الملجأ يعني مليكيش مكان تقعدي فيه.”
وعد بحزن: “أنا هتصرف.”
مهاب: “لأ، ياسر هياخدك دلوقتي يوديكي على بيتي، تقعدي هناك لحد ما أشوف قصتك، متخافيش، هتلاقي حتة، أنا وجدتي وأختي وبنت عمي.”
