
وفجأة سمعوا صوت صراخ من الأعلى فصعدوا الجميع بسرعة وانصدموا عندما وجدوا ووو.
توقعاتكم.
الفصل الأخير
نزاع الصعايده
انصدم سراج وماسة عندما وجدوا جهاز القلب توقف فصرخ سراج على الطبيب حتى جاء بسرعة وأخذ جهاز الصدمات وحاول إرجاع النبض مرة أخرى حتى نجح فتحدث سراج بلهفة مردفًا: “إيه اللي بيحصل معاه؟ هو زين؟”
الطبيب: “حالته خطيرة جدًا، ربنا معاه.”
سراج بغضب: “اتصرفوا، لازم يعيش ويقوم، مليش صالح بكل دا، أنا عايزه يقوم من تاني.”
الطبيب: “اهدي يا سراج بيه، احنا هنعمل اللي علينا والباقي على ربنا، وحضرتك لازم ترتاح، حالتك متسمحش بأي انفعال أو مجهود.”
سراج بغضب شديد: “حالتي أنا عارفها دلوقتي، انت ركز مع مهاب، لازم يفوق، إلا قسمًا بالله هدمر المستشفى دي باللي فيها.”
الطبيب بخوف: “حاضر حاضر.”
كانت تمر الأيام وحالة مهاب لا يوجد فيها تحسن. وفي ذات يوم كانت شكرية جالسة في المستشفى وتبكي على حال حفيدها فأقتربت منها وعد وتحدثت معها مردفة: “بتعيطي ليه دلوقتي؟ متعرفيش إنك انتي السبب في اللي حصل لمهاب؟ دا مش كفاية إنك آذيتي أخته جبل كده، كمان انتي السبب في حالته.”
انصدمت شكرية عندما سمعت حديث وعد ثم تحدثت بارتباك مردفة: “انتي بتقولي إيه عاد؟ أنا مش فاهمة، انتي قصدك إيه؟”
وعد بعصبية: “بقول اللي سمعتيه، انتي اللي آذيتي نسمة وتعرفي أنا مين، أنا بنت نسمة اللي انتي وفوزية آذيتوها وآذيتوا أبوي اللي هو ابن عم سراج، يعني سراج يبقى عمي ومهاب خالي، وأنا مستحيل أخليهم يبعدوا عن بعض مهما حصل، أنا هقول لمهاب أول ما يصحى هو وسراج كل حاجة وهتتم منكم.”
شكرية: “محدش هيصدقك، هتثبتي كل دا ازاي؟”
وعد بسخرية: “بس مهاب يقوم بالسلامة وهتعرفي هعمل إيه، أنا هكون السبب في نهايتك انتي وفوزية إن شاء الله، سلام يا حجه فوزية.”
أبقت وعد كلماتها ثم ذهبت وتركت شكرية في خوف وحيرة شديدة. نهضت شكرية من على الكرسي وذهبت بسرعة حتى وصلت إلى الفيلا فقابلت شخصًا ما وتحدثت شكرية بغضب شديد: “اتصرفوا وأذوه، هو أصلًا مش قادر يتحرك من مكانه، هو السبب في اللي بيحصل لحفيدي، بقاله أسبوع مفاجش من الغيبوبة، سراج لازم يموت ومحدش هيعرف، الكل هيفكر إنه بسبب تعبه، هو حالته لسه متحسنتش، اتصرفوا بسرعة، ووعد لازم تأذيها كمان، هي عايزة تكشف سر وتكشف للكل إني أنا اللي آذيت نسمة وجوزها باشتراك مع فوزية، وإن الخلاف بدأ من اللحظة دي، نسمة كانت عايزة تتجوز ابن عم سراج واتجوزته من ورانا، وفوزية كانت عارفة إن هارون هيبجي خطر على سراج وهيبجي كبير العيلة بداله، علشان كده اتفقت معايا، بس هي بقت عدوتي وآذيت ابني ويتمت مهاب وجنة، محدش لازم يعيش غير مهاب وجنة، لازم تأذي سراج انهارده بأي طريقة.”
المجهول: “حاضر يا حجه، وعد وسراج السمدوني هيكونوا في وضع صعب انهارده.”
في المستشفى كان سراج في غرفة مهاب فهو لم يفارق صديقه منذ تعبه وفجأة سمع صوت همس مهاب وهو يتحدث بتعب: “سراج.”
سراج بلهفة: “مهاب، انت زين؟ انت بتتكلم صوح؟”
مهاب بتعب شديد: “أنا تعبان جدًا، بس مبسوط إني شوفتك، سامحني يا صاحبي لو كنت ضايقتك في يوم.”
وفجأة دخلت وعد وتحدثت بلهفة: “انت كويس؟”
مهاب بتعب: “الحمد لله.”
وعد بلهفة: “أنا لازم أقولكم حاجة مهمة، جبل ما يحصلنا حاجة، اسمعوني.”
قصت وعد عليهم كل ما حدث في نسمة، وكل ما فعلته فوزية وشكيه، وأيضًا سمعتهم تسجيلًا بصوت شكرية وأدلة تدين فوزية وشكرية، فانصدم سراج ومهاب مما حدث. ودخل الجميع إلى الغرفة فأقتربت منه شكرية وتحدثت بلهفة: “انت بقيت زين يا حبيبي؟”
مهاب بتعب: “ابعدي عني.”
فوزية: “يلا يا سراج، قوم، كفاية كده.”
سراج بحدة: “ابعدي عني.”
وفجأة دخل الشرطي فاندهش الجميع وتحدث محمد: “في إيه عاد يا حضرة الظابط؟”
الظابط: “جايين نقبض على الحجة فوزية وشكرية في جريمة أذى وكل الأدلة معانا.”
شكرية بصدمة: “لأ، مهاب، هتسيبهم ياخدوني يا ابني؟”
مهاب بتعب شديد: “ياريتني كنت ميت جبل ما أشوف كل دا.”
زهيرة بحزن: “بعد الشر عليك يا ابني، خلاص يا حجه شكرية، وعد قالتلنا كل حاجة وعرفتنا الحقيقة، انتي آذيتي بنتي، هان عليكي تأذي حفيدتك؟”
فوزية ببكاء: “سراج، أنا مكنش قصدي يا ابني، كل دا كان علشان مصلحتك.”
سراج بغضب: “أنا بكرهك، انتي ازاي تعملي كده و…”
قاطعه مهاب وهو يمسك يده فأقترب سراج منه وتحدث بلهفة: “مالك؟”
مهاب بتعب شديد: “لازم محمد يتجوز جنة وانت تتجوز ريتاج وتخلي بالك من ماسة كمان.”
ماسة ببكاء: “انت اللي هتخلي بالك مني يا مهاب، متقولش كده.”
مهاب بتعب: “أنا محبيتش حد غيرك يا ماسة، متزعليش مني.”
سراج بدموع: “انت بتقول الكلام دا ليه؟ انت اللي هتخلي بالك مننا كلنا، وهنرجع أصحاب تاني وو.”
وفجأة صرخ سراج فأقترب منه الظباط بسرعة وصرخت فوزية وريتاج ووقع سراج على الأرض فحاول مهاب النهوض لكنه لم يستطع واقترب من سراج وتحدث بتعب شديد ولهفة: “سراج.”
سراج بتعب: “أنا مقدرش أعيش من غيرك يا صاحبي، بس دلوقتي أنا مبسوط علشان هموت واحنا أصحاب.”
ريتاج بصراخ: “هاتوا الدكتور بسرعة.”
نظر مهاب إلى سراج وتحدث وهو يلفظ أنفاسه الأخيرة مردفًا: “ولا أنا أقدر أعيش من غيرك.”
وفجأة لفظ مهاب أنفاسه الأخيرة وأيضًا سراج لفظ أنفاسه الأخيرة وسمع صراخ الجميع فأقتربت ماسة من مهاب وريتاج من سراج وأخذ الشرطي شكرية وفوزية وتم القبض عليهم ومحاكمتهم، ولكن تدمرت حياة عائلتين. أما عن ريتاج وماسة فانقلبت حياتهم عبارة عن جحيم.
النهاية
طبعًا النهاية مش هتعجب حد علشان مهاب وسراج ماتوا، والكل كان بيتمنى إنهم يرجعوا لبعض وكل واحد يتجوز اللي هو عايزها وتنتهي القصة حياة سعيدة، بس مش كل القصص نهايتها سعيدة، الخلاف نهايته لازم تكون كده، وللأسف في أشخاص كتير بتدفع نتيجة ناس تانيين. الحقد والغل نهايته لازم تكون ألم يا جماعة،



