همس بحراره وقد غلبه شوقه ولهفته بها حوريه الفارس …
خرج جواد من جناحه يبحث عن شيء ياكله بعدما سقطت دانيلا في النوم..!!!
وقبل ان ينزل الدرج سمع صوت يأتي من جناح شقيقه جودت فاسرع مهرولا نحوه ظنا منه انه ربما يكون يتألم او يعاني من خطب ما….
فتح الباب دون ان يطرق عليه فوجد جودت جالسا علي مقعد بجانب الشباك وفي يده كوب يتجرع منه وينظر الي قدمه الصناعي يحدثها بكلام غريب لم يفهمه في باديء الامر !!!!
اقترب منه متحدثا بنبرة قلقه مالك يا جودت
نظر اليه جودت بعيون شبه مغلقه هاتفا بتعب شرفت يا عريس … ياتري رفعت راسنا ولا تكون محتاج مساعده
شوف لو عاوز مساعده طبعا انت عارف هتجري علي مين تطلب منه زي ما علي طول بتعمل ما هو اخوك وتوأمك مش انا….!!!
تحدث جواد بضيق وهو يقترب منه ياخد منه كوبه فوق يا جودت انت ومش عارف انت بتقول ايه
نزع منه جودت كوبه هاتفا بغل وقد استحالت ملامحه الي سواد قاتم مغلف بتعب انا مش انا فايق وعارف انا بقول ايه ومفيش حاجه بقولها غلط …
ثم وجه نظره محدثا ساقه الصناعية بيقول عليا شوفتي محدش بيصدقني غيرك انتي وانتي اللي عارفه الحقيقه كلها مش انا قلت لك قبل كده
علي كل حاجه عملتها وانتي صدقتيني!!!!
مش انتي صدقتيني لما قلت لك اني بحبها …
وانها رفضتني بسببه علشان هو متعلم وانا لاء….
وصدقتيني لما قلت لك ان هو اللي بعدني عنها علشان مش بيحبني واني مكانش قصدي أبعده انا أبعدته بس وهو اللي وقع في الترعه!!!
هدر فيه جواد بغضب هاتفا بذهول انت بتخرف بتقول ايه مين ده ا
صمتت جواد لثواني يركب قطع الاحجيه مع بعضها حتي اتضحت له حقيقه الامر وعرف من تلك التي احبها وكان يرغب بالزواج منها كما سبق وحدثهم وبين فقد والد ليلي…
وهنا اتضحت له الحقيقه كامله خاصه مع نظره عين جودت التي اكدت ظنونه…..
هدر فيه جواد بجنون غير مصدقا لما سمعه د..!!!!
ازاي وليه
عمل لك ايه علشان توقفه …..
حرمني منها …..هدر بها جودت بغضب اسود …
هتف جواد بجنون وهو يدور حول نفسه غير مصدق حقيقه شقيقه تقوم !!!
ازاي قدرت تعمل كده ماقلقتش من ربنا ماقلقتش حد يشوفك ويبلغ عنك ماقلقتش علي ابوك وسمعته ولما يعرف حاجه زي دي ممكن يحصل له ايه
اشاح جودت بصره بعيدا عن شقيقه مغلقا اذنيه عما يتفوه به وكأن الامر لا يعنيه ….
اخد جواد يدور حول نفسه يجذب خصلاته بشده. ويشعر ان راسه ستنفجر من شده ارتفاع ضغطه محدثا نفسه طب اعمل ايه دلوقتي
ابلغ عنك وارميك في المكان علشان ارضي ضميري بس هتعذب اني خسرتك…!!!
ولا اعيش بعذاب الضمير وانا بخون اقرب واحد ليا في
الدنيا وانا عارف الحقيقه وساكت ….
نظر اليه جواد بحزن وتابع بمراره للاسف مفيش في ايدي حاجه اقدر اعملها مش علشانك لا علشان خاطر ابوك وسمعته اللي ما يستاهلش يحصل فيه كده علي اخر الزمن ولا انت تستاهل انك تكون ابنه….
بس من اللحظه دي تنسي ان ليك اخ انا من اللحظه دي اخويا غاب وماليش اخوات غير فارس ….
قالها
واستدار مغادرا وقلبه ېتمزق حزنا علي حال شقيقه غافلا عن اعين جودت المظلمه التي اشتدت عتمه وقسوه بعدما اسمتع لحديثه والذي كان بمثابه بداية الموقف التي ستنفجر في الجميع دون استثناء …….
الفصل السادس
يقف في شباك جناحه ينظر الي الاراضي الخضراء الواسعه مسترجعا في ذاكرته ما حدث معه يوم
زفاف شقيقه بعدما سقط في النوم لفتره طويله
ظل يدور حول نفسه كالمجنون ومقتطافات مشوشه لحديثه مع شقيقه تدور داخل عقله..
هل كان حقيقه ام مجرد حلم … بل كابوس
ومن فوره ذهب يبحث عن شقيقه كالمجنون في كل مكان ولم يجده فقد ذهب وعروسه برفقه فارس وليلي لقضاء شهر عسل في احدي المدن الساحليه….
يقضون شهر عسل
ڼار ضيقه وغيرته من فارس علي ليلي ….
وڼار قلقه من معرفه شقيقه للحقيقه….
وتذكر ملامح شقيقه السعيده التي تبدلت الي نفور وكره وشيء اخر لم يستطع تفسيره عندما طلب منه محادثته علي انفراد ووقتها تاكد من انه لم يكن يحلم بل كان حقيقه وهو من اعترف علي نفسه واصبح شقيقه شاهدا عليه…!!!
قلت لك يا جودت اللي بيني وبينك ابوك وبس هو اللي مسكتني عنك ومخاليني اخالف ضميري واكتم شهاده حق وابلغ عنك …
وحاجه تانيه كمان اللي مسكتاني ان فارس طلع منها براءه
لانه لو كان اتعرض لظلم في حاجه معملهاش وقتها مكانش في حاجه هتهمني وكنت هعاقبك بنفسي.
قال جودت بغضب مكتوم مستنكرا ما تفوه به شقيقه مستعد تبلغ عني وتعاقبني وتضحي بابوك علشان خاطر فارس!!!!
اجابه جواد جوابا قاطعا غير قابل للشك انا اضحي بعمري علشان فارس ….
قالها وغادر من امامه تاركا اياه يحدق في اثره بنظرات قاتمه مشتعله وضيق كرهه وانزعاجه علي فارس تشتعل اكثر واكثر في صدره …
فهذا الفارس سلب منه شقيقه والانسانه الوحيده التي عشقها ….
ومنذ ذلك اليوم والعلاقه بينه وبين جواد اصبحت معدومه يتحدثون فقط بكلمات مقتضبه امام والدهم فقط….
عاد من ذكرياته علي تعالي اصوات ضحكاتهم في الاسفل فاليوم هو يوم العطله والتي يحرص فيه الحج ليل علي تجميع اولاده وفارس وليلي معا يقضون اليوم في جو آسري خاصه بعد فقد والد عم حسين والد فارس….
قبض علي يده بقوه وتوحشت نظراته عندما لمح فارس وليلي قادمين من بعيد والسعاده واضحه علي وجوهم وصوت ضحكاتها يمليء المكان وفارس يعلمها كيفيه ركوب الخيل وخاصه فرسه العنيد ادهم ..!!!!!
لمح والده يشير اليه حتي ينزل وينضم اليهم فأومأ له موافقا مزيفا ابتسامة علي محياه خافيا خلفها ليس فقط بل ايضا روحه !!!
يا ابني ارحم نفسك شويه وارحم الغلبانه اللي عمال تزغط فيها زي البطه الي علي العيد … هتف بها فارس مشاكسا جواد الذي يطعم زوجته بعدما سحب من امامه طبق الفاكهه واخذ ياكل منه ويطعم ليلي بيده….
وانت مالك انت ولا هو حلال ليك وحرام عليا وبعدين انا مراتي بتاكل لاتنين هي وولي العهد قالها وهو يربط علي بطن زوجته الكبير المنتفخ …!!!
ثم تابع مضيفا بمزاح لكن انت بقي بتاكل مراتك ليه
ما انت لو تبطل نشفان دماغك ده كان زمانك بتاكلها لاتنين زيي والعيال يكبروا ويتربوا سوا ….
رد فارس معقبا وهو ينظر الي عين حوريته بعشق وهو يطعمها حبات الفراوله الطازجه مالكش دعوه مصلحه ليلي عندي اهم تخلص جامعتها الاول وبعدين نبقي نشوف موضوع الخلفه ده انا مش عاوز حاجه تشغلها عن دراستها .. هندسه صعبه ما انت عارف..
واضح انك بتحبها اوي يا فارس…. قالها جودت وهو يجلس في المنتصف بينه وبين جواد …
اجابه فارس بنبره صادقه وهو يطبق علي كف يدها من
اسفل الطاوله انت عندك شك في كده انا مفيش في حياتي اغلي من ليلي وهي عارفه ده كويس اوي.
ضحك جودت
ساخرا وتابع مضيفا بمكر وهو يقضم قطعه كبيره من التفاح يلوكها داخل فمه ومدام انت بتحبها اوي كده تقوم تحرمها من الخلفه ياراجل ده الواحد ما بيصدق يتجوز اللي بيحبها علشان يخلف منها حته عيل مش يتطلع حجج فارغه زي ما انت بتعمل .
كاد كل من جواد وفارس ان يردوا عليه الا ان ليلي قد سبقتهم ورد بما الجمه واصابه بالخرس متهيألي يا جودت ان ده موضوع خاص بيا انا وفارس بس وبدل ما انت شاغل بالك بينا اوي كده روح انت اتجوز وخلف زي ما انت عاوز !!!!!
كز جودت علي اسنانه بغيظ من احراجها له بهذا الشكل امام غريمه ببنما نظر له جواد بحنق فهو اصبح لا يعرف شقيقه ومن الواضح انه لازال يضع ليلي في راسه ويحاول ان يوقع بينها وهذا ما لم يسمح به ابدا !!!!!
قوليله يا ليلي يا بنتي …ده انا غلبت معاه رافض يتجوز نهائي عاوز اطمن عليه وافرح بيه زي اخوه بس هو اللي مش راضي… هتف بها الحج ليل ردا عليها وهو يطالع ابنه بنظرات لائمه…
قطع جودت استكمال حديثهم عنه عندما نهض واقفا ملتقطا اشياؤه هاتفا بفتور ريح دماغك مني يا حج انا مش ناوي اتجوز كفايه عليك جواد عن اذنكم عندي شغل
ثم انصرف مسرعا من امامهم وهي يغلي من الغضب وهمس من بين اسنانه المطبقه بقي عاوزاني اتجوز يا ليلي … حاااااضر هتجوز بس هتجوزك انتي وده وعد مني بس لما ارجع جودت مهران بتاع زمان قبل الموقف
اااااااااااه الحقني يا جواد شكلي بولد …هتفت بها دانيلا صارخه بألم عندما داهمتها آلام المخاض….
الدقائق بل الساعات تمر ببطيء شديد والجميع في حاله قلق وترقب الكل يدعي ويبتهل الي الله وصوت صرخات دانيلا تشق سكون الرواق الخاص المخصص للولاده ….
اهدي يا جواد يا ابني ان شاء الله خير وهتقوم بالسلامه هي والمولود….هتف بها الحج ليل وهو يربط علي كتف ابن يواسيه بحنان والذي كان يذوب من القلق علي زوجته وصوت صراختها يزيده جنونا عليها…
دي طولت اوي جوه بقالها اربع ساعات عماله تصرخ ومش عاوزين يولدوها !!!
معلش يا ابني مش الدكتور طمنك وقالك ان الوضع ده طبيعي علشان دي بكريه وبتطول شويه. ادعي لها انت بس وان شاء الله خير ….
يارب يا حج ادعي لها انت كمان والنبي …
كله منك انتي جواد انتي السبب في تعب داني بنتي….هتفت بها السيده ماتيلدا من شده قلقها علي ابنتها الوحيده والتي حضرت مع السائق الذي احضره لها فارس علي الفور
نظر لها جواد بحنق هاتفا بغيظ والنبي مش وقتك يا ماتي دلوقتي خالص ….
لا وقته انتي واحد قليل الادب بيهمك نفسك وبس مش مهم عندك صحه داني ….
ضرب جواد كف بالاخر متعجب من هذه السيده الغريبه والتي تتهمه باتهامات باطله!!!
يا ستي هو انا كنت عملت ايه غلط واحد ومراته بتولد ابنه ايه الغريب في كده وبعدين يعني هو انا عملت حاجه غصب عنها ما كله كان بموافقتها ورضاها دي مراتي علي فكره لو مش واخده بالك!!!!!
كادت ان ترد عليه بما يليق ولكن انفتاح الباب وخروج الممرضه وهي تحمل علي ذراعها لفافه صغيره بيضاء هاتفه
ببشاشه الف مبروك يا سعادت البيه المدام قامت بالسلامه وجابت لحضرتك ولد ماشاء الله زي القمر ….
بقلب مضطرب وايد مرتجفه اقترب منها جواد يمد يده يحمل صغيره بين ذراعيه ….
شهور غريب اجتاج قلبه واختلجت دقات قلبه
عندما نظر الي وجهه الملائكي الصغير
كان صغير الحجم مغمض العين وله شعر اسود لامع كسواد الليل …
دمعت عين جواد ونظر الي ابيه هاتفا بسعاده ليل …
ليل جواد ليل مهران !!!!
الف مبروك يا صاحبي يتربي في عزك ان شاء الله.
قالها فارس وهو يعانق تؤام روحه بسعاده حقيقه…
وفي عزك انت كمان ما انت عمه وانت اللي هتربيه معايا …
بس انتي وهي مفيش حد هيربي قلب آنا غيري انا ولا عاوزاه يطلع قلبل الادب زيك …
هتفت بها ماتيلدا وهي تحمل الصغير بين يديها بحب وحمايه وغادرت مع ليلي برفقه المربيه لمساعدتها في تحميمه والباسه ملابسه!!!!
نظر جواد في اثرها مدهوشا مذبهلا دي خدت الواد ومشيت خدت ابني !!!
يا ماتي … يا ماتيلدا… انتي يا وليه استني هاتي الواد..
اقام الحج ليل وليمة واعد الكثير والكثير من الولائم واطعم اهل بلدته والبلاد المجاوره احتفالا بقدوم اول احفاده الغالي ابن الغالي كما يناديه…
انتهت دانيلا من اطعام صغيرها ووضعته في مهده الصغير وقامت كي تستعد للنزول لاسفل لاستقبال التهاني من الاهل والاقارب….
خرج جواد من الحمام الملحق بغرفته يجفف خصلات شعره الناعمه التي ورثها منه ابنه لمح زوجته تقف امام الدولاب بقميص اسود حربري انعكس مع بياض بشرتها وشعرها الاشقر فاعطاها سحرا خاص بها وحدها …
وانت كمان وحشتني اوي اوي يا حبيبي …
اجابته وانت كمان يا حبيبي وحشتني اكتر بس معلش استحمل واصبر شويه .
اكتر من كده مش هقدر انا بنهار !!!!
معلش يا روحي كلها اربعين بوم وابقي كلي ملكك…
ه نعم يا اختي اربعين يوم ليه ان شاء الله .
كتمت ضحكاتها علي تذمره وهتفت تسترضيه هو كده يا حبيبي دي فتره النفاس لازم تبقي كده وبعدين الدكتور قالي كده وماما كمان …
اااااه امك بقي هي الحكايه كده طب يا اختي خالي كلام امك ينفعك ما هي اصلها حطاني في دماغها بس علي مين وديني ما انا سايبها مش كفايه عامله كماشه علي الواد ابني
اما وريتك يا ماتيلدا يا بنت ام ماتيلدا ما ابقاش انا جواد مهران ….!!!!!
اقترب جودت من شقيقه يقدم له هديه ذهبيه ثمينه تليق بحفيد عائله مهران …
الف مبروك يا جواد يتربي في عزك وعز جده ان شاء الله….
الله يبارك فيك يا جودت عقبالك .. بس ليه مكلف نفسك كده ده انت حتي عمه ….قالها جواد بصدق مستغربا الهديه الباهظه التي اهداها اياه فقد كانت عباره عن قلاده ذهبيه معلق بها اسم ليل مرصعا بالالماس!!!!
انت قلتها بنفسك انا عمه يعني زي ابوه مش كده ولا ايه ولا انا مشبهش لفارس !!!
نظر له جواد مطولا هاتفا بجمود انت اه عمه بس مش زي فارس ولا هتكون
ضحك جودت ساخرا متغاضيا عن جملته الاخيره متحدثا بخبث تمام … بس علي فكره انت مش محتاج تسمي اسم ابنك
علي اسم ابوك انت من غير حاجه الحيله واللي علي الحجر
ده في خيالك المريض بس يا جودت ابونا عمره ما فوق بينا وانت عارف كده كويس انت بس اللي بتشوف ده وحابه ومصدقه وعايشه …ربنا يهديك ويصلح لك حالك يا ..يا اخويا …!
قالها وغادر من امامه حتي لايزيد الامر بينهم سوء اكثر من ذلك
فهو لايريد لاحد ان يشعر بما يدور بينهم ….
تطلع جودت في اثره بنظرات غامضه وعلي ثغره ترتسم ضحكه خبيثة عاد بنظره الي الخلف فوجد الصغير غافي في مهده بسلام …
اقترب
منه ونزل علي ركبتيه حتي وصل الي مستواه مد يده يتحسس وجنته الصغيره الحمراء القطنيه بحنو…
فتح الصغير عينيه العسليه ونظر اليه بها ببراءه
نظره اصابت رجفه في قلبه المشوه فشعر بشعور غريب نحو هذا الصغير لا يعرف ماهيته ولكن الذي ادركه ان هذا الصغير احتل قلبه دون استئذان !!!!
ااااااه ….ليل ….ليل جواد مهران …. ابني اللي مخلفتوش !!!!!
كان جالسا علي الفراش يقرأ في احدي الكتب ولكنه لم يفقه شيء مما قرآه بسببها !!!
تلك الحوريه التي ستصيبه بنوبه قلبيه في يوم ما بسبب سحرها وفتنتها التي تزداد يوم عن الاخر
لمحت نظراته لها في المرآه تلك النظرات التي ترضي انوثتها وغرورها ….
ارادت المزيد من نظراته فزادت من الدلال والغنج حتي تشعله اكثر فاكثر …
رشت بعض قطرات من عطرها الذي يعشقه عطر عربي اصيل مزيج من المسک مع الفانيلا يجعل لها سحر خاص بها وحدها ….
رمي الكتاب ارضا وفتح لها ذراعيه كي تسكن في مكانها الوحيد والصحيح داخل تضمها ضلوعه وتهدهدها دقات قلبه النابضه بعشقها …
همس بيحه رجوليه جذابه حوريتي..!!!
وضعت راسها فوق مضخته النابضه بجنون عشقها قلب وعمر حوريتك
اجابها بهمهمه وهو مازال علي وضعه امممم.
مش نفسك يكون عندك بيبي زيه
اجابها نافيا بحسم لا مش عاوز ….
طبعا مش عاوز ولد زي ليل علشان يشاركني فيكي وفي حبك انا عاوز بنوته حلوه وزي القمر زيك تكون شبهك ويحتها من ريحتك ساعتها هكون اسعد رجل في الدنيا دي كلها …
اتسعت ابتسامتها العاشقه وهتفت بدلال اذابه واشمعنا انا بقي تجيب لي بنوته تشاركني حبك ليا. انا عاوزه ولد ويكون شبهك وعنيه لون عينك ….
انا عاوز بنت نفسي اول خلفه ليا تكون بنت وبعدين انا عاوز اكون الرجل الوحيد في حياتك مفيش رجل غيري ….
هتفت باستسلام ماشي يا سيدي امري لله بنت ..
بس بشرط تكون عينيها بلون عينك …
اجابها وهو عنه سترته لا الموضوع ده محتاج تركيز كبير اوي مني علشان اقدر اظبط درجه اللون ومن هنا لحد ما تخلصي جامعتك اكون انا كمان قدرت اوصل للون اللي انتي عاوزاه …
بس ده بقي محتاج منك قوه تحمل وصبر علشان انا مهندس يعني لازم احط الاساس المتين اللي يستحمل وبعد كده ابدا بناء ….
تعالت صوت ضحكتها علي تشبيه الغريب ولكنها لم تدم طويلا فقد اخذا …….
نهض من جانبها مرتديا بنطاله تناول زجاجه واخذ يتجرع منها بنهم واشعل واخذ يسحب منها الهواء البارد يملئ به رئتيه عله يطفي لهيب قلبه المشتعل بنيران الغضب والحنق!!!!!
ارتدت ملابسها واخذت تتطلع اليه بقلق فحالته اليوم غريبه تشبه حالته يوم زفاف شقيقه…
ابتلعت ما في جوفها واستجمعت شجعاعتها وهتفت تناديه بقلق جودت …. سي جودت
عاوزه
ايه
هتفت بتوتر كنت عاوزه اقولك علي حاجه كده .
ودون ان ينظر لها تناول محفظته واخرج منها رزمه ماليه كبيره والقاها علي الفراش جانبها دون ان يتفوه بحرف واحد …!!!!
ابتلعت غصه تسد حلقها ومنعت نفسها من البكاء فهي تستحق ما يحدث معها هي من فرطت في شرفها وعرضها تحت مسمي الحب …
خيرك سابق مش عاوزه فلوس !!
اومال عاوزه ايه اخلصي انا مش فاضي لوجع الدماغ بتاعك ده …!!
هتفت بنبره مرتعشه انا …انا حامل
هرع فارس بقلب لهيف وملامح قلقه مرتعبه نحو الطبيب الذي خرج لتوه من غرفه العمليات التي ترقد بداخلها حوريته…
هتف متسائلا بقلق خير يا دكتور طمني ليلي فيها ايه ارجوك …
تحدث الطبيب بعمليه اطمن يا استاذ المدام كويسه هي لما وصلت المستشفي كان ضغطها عالي جدا وده كان سبب التعب اللي حصل لها لانها كانت حامل في شهر ونص وغالبا الحمل كان ضعيف علشان كده نزل ومستحملش بس هي دلوقتي كويسه وزي الفل هتطلع علي اوضه عاديه بس هي واخده حقنه مهدئه ومتعلق لها محاليل علشان الضغط ما يترفعش تاني وكلها كام ساعه وتفوق وتقدروا تشوفوها …..
حمد الله علي سلامتها عن اذنك…
انصرف الطبيب من امام فارس الذي كان يستمع اليه بذهول فحوريته كانت حامل وهو لا يعرف وعلي الاغلب هي ايضا لم تكن تعلم …
نظر بتيه ىذهول الي جواد الذي ربط علي كتفه يواسيه بعدما استمع هو الاخر الي كلام الطبيب سمعت الي قاله الدكتور …ليلي كانت حامل والجنين نزل …
حامل وانا وهي منعرفش …
الجنين نزل قبل ما نفرح بيه وكل ده بسبب بنت ال…. اللي جت ترمي بلاها عليا…
تحدث جواد مهدئا اياه اهدي يا فارس معلش مالكمش نصيب في الحمل ده وان شاء الله تقدروا تعوضوه تاني ..وموضوع البت دي سيبهولي انا هخلصه …خليك انت جنب ليلي…
نظر له فارس بغضب وقد ثار الموج الازرق داخل عينيه منذرا بعاصفه وشيكه وهتف بنبره قاطعه لا …الموضوع ده يخصني وانا اللي هخلصه ولو وقفت علي حالي ….
وانطلق مسرعا خارج من المشفي ينوي الرد له ولحوريته وجواد يهرول خلفه مسرعا محاولا اللحاق به خوفا عليه من غضبه وتهوره فعندما يتعلق الامر بليلي يتحول فارس الهاديء المسالم الي رجل بدائي شديد الاندفاع….
هتف جودت بصوت منخفض لتلك التي ترتجف امامه حلو اوي اللي عملتيه اثبتي علي كده ومهما حصل اوعي او ضغطوا عليكي اوعي تغيري كلامك انتي فاهمه!!!!
تحدثت نعيمه ببكاء انا مرعوبه يا سي جودت الله يخاليك طلعني من هنا وانا همشي ومش هتشوف وشي من تاني انت ماشوفتش اخوك بهدلني ازاي وحابسني هنا في البدروم عندكم والله اعلم هيعمل فيا ايه انا مرعوبه منه ده شكله مش سهل خالص…
انا خلاص مش عاوزه حاجه منك واللي في بطني ده انا هربيه لوحدي ومش هطلب منك اي حاجه ولا هتشوفني تاني والاتفاق اللي بينا انساه خلاص بس سيبني امشي ابوس ايدك…
نفض جودت يده التي همت وتابع بنبره غاضبه وعينيه تلمع ببريق غامض انتي اتهبلتي يابت انتي ولا ايه اتفاق ايه اللي اتلغلي لا يا روح .. ده انا ادفنك مكانك واذا كنت خايفه من جواد ومن اللي هيعمله فيكي لو كشفك ده مايجيش واحد علي مليون من اللي هعمله فيكي لو معقلتيش ونفذتي اتفاقنا للاخر .
ثم تلون كالحرباء وتابع يحدثها بلطف حتي تنجح خطته يا نعيمه مش انتي بتحبيني وكل همك انك تبقي جنبي ومعايا ومعانا ابننا وتبقي مراتي قدام الناس كلها يبقي تنفذي اللي اقولك عليه كله بالحرف الواحد ومتخافيش محدش هيقدر يقرب منك طول ما انا جنبك بس انتي اسمعي الكلام ….
نظرت له بخوف وهتفت تساله تحاول فهم ما يرمي اليه ايوه بس ايه علاقه اللي اسمه فارس ده بالي بينا انا عملت الل قلت عليه وانا مش مقتنعه ازاي عاوزني اخرب بيته علشان اعمر انا بيتي …
اجابها منفعلا علشان هو ده
اللي لازم يحصل لازم يخسر كل حاجه زي ما طول عمره بياخد مني كل حاجه حياته دي كان المفروض تبقي حياتي انا بس هو سرقها مني ….
كان سوف يتابع استرساله في الحديث لولا استماعه لصوت جلبه في الخارج فاستفاق علي نفسه واخبرها محذرا قبل ان يتركها مسرعا قبل ان يشاهده احدا معها انا همشي دلوقتي واللي اتفقنا عليه يتنفذ بالحرف والا ساعتها ماتلوميش الا نفسك …
ورحل وتركها تتصارع مع افكارها في مواجهه المجهول وهي لا تعرف اي الاقدار ستواجهها….
ترجل فارس من سيارته وهرول ناحيه سرايا الحج مهران قاصدا القبو متوعدا بالتعب لتلك التي تسعي لإفساد حياته…
هتف جواد الذي يهرول خلفه استني يا فارس مش كده الموضوع مش هيتحل بجنانك ده …
نزل فارس الدرج المؤدي الي القبو مسرعا غير عابيء بنداء صديقه حتي انه لم يري جودت الذي كان يصعد الدرج في نفس الوقت من شده غضبه …
هتف جواد متحدثا بشك عندما وجد شقيقه صاعدا من القبو انت كنت بتعمل ايه تحت عندك يا جودت في البدروم
تحدث جودت بثبات ظاهري ابدا انا كنت نازل تحت في المخزن بدور علي شنطه العده بتاعه العربيه…
نظر له جواد بشك وقد عصفت الظنون براسه ولقيتها
هاااا .. لا ملقيتهاش تلاقيها موجوده هنا ولا هنا هاتروح فين يعني …
اومأ له جواد هاززا راسه والشكوك تزيد داخله ثم قرب وجهه منه ناظرا في عينيه بقوه متحدثا بتحذير صريح ماشي يا جودت هعديها بمزاجي بس اقسم بالله العظيم ورحمه امي لو عرفت انك ليك علاقه بالبت اللي تحت دي او ليك يد في اللي حصل ده ساعتها ورحمه امي ما هسمي عليك وهكشف المستخبي كله وعليا وعلي اعدائي انا قلتها لك قبل كده وبقولها لك لاخر مره كله الا فارس فارس عندي خط احمر وانا سكت لك مره ومش علشانك ده علشان ابوك لكن المره دي لو اللي في دماغي صح ساعتها ماتلومش الا نفسك …
هتف جودت بنبره شرسه وهو ينظر الي اخيه بعداء وانا مالي ومال البت اللي تحت دي وبعدين انت بتحذرني علشان خاطر سي فارس بتاعك ده. بتحذر اخوك اللي من لحمك ودمك علشان حته واحد صاحبك لا راح ولا جيه…
اجابه جواد وهو يتحرك من امامه حتي يلحق بصديقه انا مش بحذرك انا بس بعرفك بالي هيحصل لو طلع اللي في دماغي صح..!!!
وبعدين فارس مش صاحبي وبس فارس ده توأمي .
قالها وغادر من امامه تاركا جودت خلفه يطلق نظرات من عينه لو كانت تحرق لاحرقت المنزل بما فيه من شدتها
انتفضت نعيمه فزعه عندما انفتح باب الغرفه بقوه ودلف منها فارس يطالعها بنظراته التي تطلق نظرات مستعره…
ارتاعبت من منظره المخيف واخذت تتراجع بخطواتها للخلف في محاوله منها للهروب منه ….
وبسرعه البرق كان امامها يمسك بيده القويه ويبعدها بحزم عن الجدار من خلفها برفق حتي شعرت ان ظهرها قد لامس الحائط من قوه الإبعاد!!!
قال لها بغضب اهوج وكل عضب في جسده يتنفض من شده الغضب يا هذه الفتاة بقي انا متجوزك عرفي وكمان حامل مني يا ….. انطقي يا بت مين اللي زقك عليا وحفظك الكلميتن اللي قلتيهم دول وخربتي بيتي…انطقي بدل ما أغير كلامي معاك دلوقتي….
بالفعل كانت تشعر ان قوتها كانت ستغادر
كانت تصارع التعب وتحاول فك يده من
ولكنها كلما حاوت ازاحه يده كلما زاد من ضغطه عليها حتي شعرت انها قاب قوسين او ادني من نهايتها مما جعلها تستسلم وتغلق عينها في انتظار
ولكن بعد لحظه كانت هناك يد اقوي تسحب يد فارس من حول وصوت جواد يهدر بعنف انت اتجننت تؤذيها وتضيع نفسك ومراتك علشان خاطر واحده بعيدة ما تستاهلش….
حاول فارس التملص من جواد والوصول الي تلك الراقده علي الارض تشهق بعنف محاوله
. انطقي وقولي الحقيقه اذيتك في ايه علشان تأذيني وتهدي بيتي اعرفك منين علشان ت
انهي كلماته وارفقها بحدة من صوته جعلها تصرخ بشده وتتكوم علي نفسها في الارض تبكي وتصرخ من قوه الحدة …
أخرجه جواد الي الخارج بصعوبه والاخر يعانده يريد ان يصل اليها ويوجه كلامه لها بقسوة الي ان استطاع جواد اخيرا اخراجه من الغرفه ثم استدار الي تلك المتكوره علي نفسها في الارض تأن من شده الالم الكلام لسه مخلصش راجعي نفسك وفكري كويس في اللي هيحصل لك لو مقولتيش الحقيقة …
ثم غادر واغلق الباب عليها من الخارج بالقفل واخذ المفتاح معه حتي يضمن بقاءها حتي عودته والاستفراد بها بعيدا عن فارس ولكن بعد الاطمئنان علي ليلي اولا…..
1
كان جالسا بجوارها يتأملها بصمت منتظرا افاقتها بفارغ الصبر قلبه يتمزق حزنا عليها وعلي خسارتهم لجنينهم الاول الذي حتي لم يعرفوا بوجوده بعد !!!
تنبهت حواسه عندما شعر بحركه بسيطه منها تنذر بافاقتها …
همست ليلي بخفوت وهي بين اليقظه والنوم فارس!!!
اقترب منها يمسح علي راسها بحنو هاتفا بلوعه وهو يضغط علي كف يدها
القابع في يده قلب فارس وعمره.. انا جنبك يا حوريتي .. فتحي عنيكي بقي طمني قلبي عليكي …
فلبت رجاءه علي الفور وفتحت عينيها تنظر حولها بتشويش وهتفت بصوت خفيض متعب فارس…انا فين
اجابها انا هنا يا عمري.
استعادت اداركها شيئا فشيئا وهي تنظر في وجه بتدقيق وطال صمتها وصور ما حدث تجول داخل راسها…
صمتها الطويل جعل قلبه يهوي بين قدميه فهو علي يقين انها بدأت تتذكر ما حدث وخوفه ورعبه الاكبر من ان تكون صدقت فيه تلك الاكاذيب ….
ظل يطالعها بخوف حتي تحدثت اخيرا ببكاء البيبي … البيبي راح ماكنتش اعرف اني حامل والله ما كنت اعرف…انا اسفه معرفتش احافظ علي ابننا…
تحرك مسرعا يجلس بحوارها علي السرير محاولا تهدئتها بس ..بس يا حوريتي متزعليش نفسك انا عارف انك مكنتيش تعرفي انك حامل قدر الله وما شاء فعل مالناش نصيب فيه …
رفعت راسها ونظرت داخل عينيه هاتفه ببكاء يعني انت مصدقني ومش زعلان مني !!!
مسح دموعها بطرف انامله وهو يقول بعشق طبعا يا قلبي مصدق وبعدين ازعل منك ليه علي حاجه مالكيش ذنب فيها ده نصيبنا وان شاء الله بكره ربنا يكرمنا ويعوضنا بالاحسن ….
ثم اردف بعدها بتوتر انتي مصدقاني مش كده!!
كان يستمع اليها وقلبه ينتفض داخل صدره من شده تأثره بحديثها الذي اثلج قلبه وداوي روحه فحوريته تثق فيه ثقه عمياء وتعشقه كما يعشقها ….
تفاجئت من هجومه المفاجئ ولكنها بادلته بشوق وعشق اكبر واعمق …
بعشقك يا حوريتي!!!!
بعقل يكاد ينفجر من شده التفكير كان يقود سيارته عائدا الي البلده بعد ان ذهب ليقل والده الذي كان في زياره لاحد اقاربه في القاهره وعلي الاغلب لم يعلم بما حدث !!!!
انقضي يومين دون حدوث شيء
جديد صمت غريب من جانب شقيقه سيصيبه بالجنون …
وفارس وليلي وكان الامر لا يعنيهم فبعد خروجها من المشفي في نفس اليوم وهم مختفين في منزلهم حتي ان فارس لم يذهب لشركته مع جواد ولا احد يعلم عنهم اي شيء وهذا ما يزيد جنونه ….
حتي نعيمه لم يقترب منها مره اخري حتي لا يثير ريبه جواد…
جواد الذي يلعب باعصاب الكل فهو يعلم ان سكون شقيقه الطويل ما هو الا السكون الذي يسبق العاصفه ولكنه سيصمد في وجه العاصفه ويجعلها تبتلعهم جميعهم !!!!!
انتهزت ليلي فرصه سفر فارس لانهاء بعض اعماله اليوم وذهبت الي سرايا آل مهران تريد ان تعرف الحقيقه ومن وراء تلك الكاذبه فهي علمت من فارس انها موجوده في منزل جواد وان فارس اشترط علي جواد ان لا يحادثها في الامر الا بعد عودته ولكنها لم تصبر وقررت الذهاب بمفردها اليها ….
دلفت الي حجره مكتب جواد بعدما علمت من الخادمه بوجوده بها …
اجفل جواد عندما وجد من يقتحم عليه غرفه مكتبه ولكنه نهض علي الفور عندما جد ليلي امامه وملامح وجهها لا تبشر بخير…
خير يا ليلي في ايه !!!
انا عاوزه اتكلم مع اللي اسمها نعيمه دي.. !!!!
يومين مروا ولازالت حبيسه تلك الغرفه لا احد يقترب منها فقط الخادمه تاتي وتجلب لها الطعام في مواعيده ثلاث مرات يوميا دون ان تنبس بحرف واحد
و جودت لم ياتي اليها مره اخري ولا حتي شقيقه ولا فارس الذي كاد ان يضايقها …
ستموت من شده الخوف والظنون تعصف براسها هل عرفوا الحقيقه هل تخلي عنها جودت هل سيكتشفون كذبتها ويبلغوا عنها الجهات ام سيقوموا بابعادها دون ان يشعر بها احدا فهي مجرد حشره سيدعسون عليها دون ان يرف لهم جفن
كلها اسئله تدور في راسها ولم تجد لها احابه واحده تريحها ….
استمعت الي صوت المفتاح وهو يدور داخل القفل فتعالت دقات قلبها بعنف تطرق صدرها بقوه وهي تنظر بترقب نحو الباب في انتظار معرفه من خلفه…
هدأت دقات قلبها نسبيا عندما وجدت نفس الخادمه ولكن عادت دقات قلبها تهدر بجنون عندما اخبرتها ان جواد يريدها فوق في غرفه مكتبه …!!!!
اذا فقد حان وقت الحساب ….!!!
باقدام رخوه كالهلام وجسد مرتجف كانت تدلف الي حجره المكتب بعدما سمح لها ذلك الجواد بالدخول …
وقفت امامه مطرقه براسها ارضا وانتفاضه جسدها تكشف عن مدي رعبها من القادم !!!
هتف جواد بهدوء بعدما كان يرصد بعينه الثاقبه كل حركه تصدر عنها ولم يخفي عليه حركه يديها التي تفركهم ببعضهم مما يدل علي توترها ولا شحوب وجهها ولا انتفاضه جسدها !!!
تعالي يا نعيمه اقعدي هنا عاوز اتكلم معاكي انا ومدام ليلي شويه.
رفعت راسها ووزعت نظراتها المتوتره بينهم وهتفت بنبره مرتعشه تحت امرك يا جواد بيه .
انا قلت اسيبك ترتاحي يومين كده علشان نعرف نتكلم سوا ….انا عاوز اعرف الحقيقه منك نعيمه … الحقيقه هااا فهماني طبعا ….
هتفت بنبره متلعثمه ما انا قلت لحضراتكم قبل سابق عن الحقيقه ومعنديش حاجه تانيه اقولها ….
