روايات وقصص

وصمة وجع سهام العدل

كانت حياتنا صعبة نهرب منها للمجهول

شرد آسر بحزن وقال بأسي الحياة نفسها بقت قاسية يا ياسر.. بص لنفسك حياتك بقت عاملة إزاي وعيالك ذنبهم أطفال يتحرموا من أمهم وهما أكبرهم خمس سنين ولا ياسمين اللي بيتها بيدمر بعد عشرين سنة جواز ولا يمني اللي بقت هي نفسها مش عارفة هي عايزة ولا بتعمل إيه ومش إحنا بس انزل الشارع كده وبص للناس هتلاقي الناس بطلت تضحك.. بطلت حتى تبتسم ياياسر

رغم وجع ياسر مما أصبحت عليه حياته ومما يعانيه آسر وأخواته لكن هو لديه قناعة خاصة حاول إقناع آسر بها قائلا أنت عندك حق.. الكل بيعاني بس دي دنيا مش جنة كل واحد فينا عنده رسالة بيقضيها في حياته الرسالة دي محتواها العسر واليسر والشدة والرخاء وأنت بتشيلها كلها على بعضها يبقى ليه افتكر ربنا وقت اليسر وانساه واقنط من رحمته وقت العسر

زفر آسر وقال بيأس بس أنا مشوفتش يسر حياتي بقت مملة وملهاش أي لازمة كل أما أحاول أنجح في أي حاجة أو حتى أعمل مشروع مبلاقيش غير الفشل والخسارة لما تعبت ويأست وآخرتها مرمى ف السرير بقالي ٤٠ يوم بتسند عشان ادخل الحمام

رد عليه ياسر معاتبا غلطان ياآسر أنت أيام وهتفك الجبس ده وهترجع لحياتك الطبيعية غيرك مريض والطب بيعجز عن علاجه وبيعيش حياته أسير الحالة بيعيش يتألم والمسكنات بتعجز عن إزالة وجعه أما فشلك ده أنت تقوقعت فيه واستسلمت له.. واعرف أن طول ماعندك عقل تقدر تنجح وأول طريق النجاح هو الفشل ونجاحك في أي شىء في حياتك هيعتمد على إيمانك وثقتك بنفسك واعرف إن كل إنسان مميز بشىء عن غيره دور على التميز اللي فيك واستغل هتوصل وبطل تعلق كل مشاكلك وهمومك على شماعة اسمها الفشل

ابتسم آسر وهز رأسه مقتنعا بكلمات أخيه وقال حاضر.. صدقني هحاول

قال ياسر بإصرار متقلش هحاول أنت بعد ماتفك الجبس هتبدأ وصدقني أنا معاك وجمبك في أي حاجة وكل حاجة محتاجها وإلا هآخد منك يزيد ومش هخليك تشوفه تاني لأن أفكارك السوداوية دي ممكن تفسد ابني وأنا مش مستغني عنه

ابتسم آسر ومال يقبل يزيد من رأسه وقال أوعدك إني هآخد خطوة في أقرب وقت

ابتسم ياسر قائلا عاش يابطل أيوة كده خلاص بقى خلي يزيد معاك النهاردة وانا هدخل أنام مع يزن لاني معرفش اخرج بيزن في البرد ده وهو تعبان

ابتسم آسر وقال أحسن حاجة هتعملهاقوم بقى أنت ارتاح لأنك بتتعب طول اليوم

نهض ياسر قائلا تمام.. تصبح على خير

تفتح عينيها بضياع ووجع غير مدركة ماهي فيه لاتشعر سوي بألم حارق أسفل بطنها يمزق أشلائها تصرخ مستنجدة بأحد يخفف عنها ذلك الوجع

اقترب منها زوجها يسألها غصون.. أنتي كويسة

رفعت بصرها وجدته فسألته سعد.. أنا تعبانة بطني بتتقطع أنا إيه اللي حصلي وإيه اللي جابني لهناثم هبطت بيدها على بطنها وللحظة تذكرت آخر لحظات مرت بها قبل أن تفقد الوعي فصرخت ابني ابني ياسعد إيه اللي حصلي!.. عملت فيا إيه ياسعد

اقترب منها يمسكها بهدوء إهدي ياغصون والله ماكان قصدي اعمل كده لحظة شيطان يابنت الناس.. الدكتور هنا عايز يبلغ عني ويوديني ف داهية.. وأنا قولت له إنك اتزحلقتي وقعتي

كل حديثه هذا لم يفرق معها الفارق فقط هو أن ونيسها الذي كانت تنتظره قد ذهب في لحظة ضيق من ذاك قاسي القلب..ألمها انتقل إلى قلبها يحرقه وتتصاعد شظاياه إلى صدرها لتكتوي بألم فراقه ذلك الطفل الذي ظنت أنه سيكون لها عائلة بأكملها حرمت منه لأن أباه قاسي القلب.

لم ترد عليها وكعادتها تركت دموعها تتحدث عما بداخلها وعيونها تنعي جزءا منه فقدته دخل عليها طبيب يبدو عليه الوقار والواضح عليه أنه في منتصف الخمسينات وبجواره ممرضة تقربها في العمر.

اقترب منها وقام بفحصها وعندما لمس بطنها صرخت متأوهة.. ابتعد عنها ونظر بضيق لزوجها الذي تراجع للخلف حتى وقف في أركان الغرفة يهرب بعينيه من الطبيب ثم أمر الممرضة أن تساعدها في الجلوس وقد فعلت.

حول الطبيب نظره لها قائلا حمد الله على سلامتك يابنتي

ردت بتألم الله يسلم حضرتك

أكمل قائلا ارتاحي ومتتكلميش..المطلوب منك تسمعيني وتردي عليا بس أنتي جيتي في حالة خطر جسمك كله آثار أذى وجنين عمره مايقرب على الخمس شهور رحل في بطنك وعندك تهتك في جدار الرحم وده أدى إننا عملنالك إستئصال للرحم لو البني آدم ده اللي عمل فيكي كده أنا هجيبلك حقك منه وهعملك محضر وهدفعه تمن ده غالي لأن اللي حصلك ده كان شروع في أذى

وقع عليها الكلام كالسهام يصيب جسدها بأكمله في أماكن متفرقة ولكن هناك سهم أصاب قلبها وبقوة مما جعلها تنازع الحياة.

رفعت بصرها لذلك القاسي الذي حرمها الحق الوحيد الذي كان سيجعلها تمضي في هذه الحياة حرمها من أن تكون أما مدى الحياة.. رمقته بنظرات حارقة منبعثة من الألم التي تسري بجسدها لعله يشعر بخطأ مافعله بها…ولكنه قابلها بنظرة استجداء ألا تنطق بشىء.. الآن يطلب منها أن تنجده وترحمه وهو لم يرحمها خمس سنوات من قسوته وجبروته واستغلاله لها.

قاطع نظراتها الطبيب وهو يقول ردي عليا يابنتي.. الشخص ده اللي عمل فيكي كده

لم تحيد بنظرها عنه وهو يترجاها بعينيه ألا تخبر الطبيب بماحدث ولكنها لم تصمد طويلا حتى التفتت إلى الطبيب وقالت هو اللي عمل فيا كده يادكتور.. وأنا فعلا عايزة حقي ومش هتنازل غير بشرط

اقترب منها سعد وهو يبتلع ريقه بذعر وملامحه يكسوها الخوف وقال وأنا هنفذ اللي تطلبيه ياغصون بس دي كانت ساعة شيطان وراحت لحالها ملناش غير بعض ياغصون

ردت عليه بجمود ليا ربنا ياسعد والشيطان عمره ماهيسيبك شرطي إنك تطلقني وحالا ياسعد

القلق يقتله منذ آخر محادثة بينهما ولم يعرف عنها شيئا أكثر من أربعين يوما لم تنشر شيئا على صفحتها الشخصية أو المجموعة التي يشتركان فيها يريد أن يصل إليها بأي طريقة كانت صبره نفذ وعقله أرهق من كثرة التفكير فيها وفي كيفية حياتها الذي لم يعرف عنها شيئا.

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى