
قاطعتها سدرة بحدة عارفة إيه يابنتي اخرجي وواجهي العالم إنتي قمر وأحسن من ألف واحدة والعلامة اللي ف وشك مش مأثرة على جمالك أخرجي واشتغلي ودوسي ع الدنيا برجلك إحنا في دنيا مفيهاش مكان للضعيف
في نفس اللحظة شعرت سدرة باهتزاز هاتف سدن الصامت على الفراش فالتقطته وقالت الظاهر حد بيراسلك والتلفون صامت
ردت عليها سدن ببعض اليأس سيبيه عندك دي واحدة راسلتني شافت شغلي في جروب المواهب وعايزاني ارسم صورة لبنتها عندها ٨ سنين وأنا رفضت.. ومن وقتها وكل شوية تبعت رسايل مصممة على طلبها وأنا بصراحة معنديش استعداد أناهد مع حد
تركت سدرة الكوب الذي أنهته من يدها وقالت بعتاب أنتي غبية حد يضيع فرصة زي دي من إيده يابنتي اسمعي كلام واشتغلي وكوني نفسك مرات أبوكي جاية بكرة وبعد كده معدناش هنطول من أبوكي حاجة والله أعلم الزمن مخبي لنا إيه اسمعي الكلام واشتغلي وسيبك من أفكارك السودة دي
ترددت سدن وأجابتها يعني أنتي شايفة كده
ردت عليها سدرة بإصرار ومفيش غير كده
التفتت سدن والتقطت هاتفها لتجيب على الرسائل ب تمام يا مدام تغريد أنا موافقة ابعتي صورة للطفلة وفي خلال أيام قليلة هتكون الرسمة جاهزة وهعرف حضرتك تقابليني تستلميها
وصلت ياسمين بغصون لمنزلها وهي لا يخفى عليها أنينها الذي يصدر منها طوال الطريق ولا وضع يدها الذي لا ترفعها عن أسفل بطنها لذا اتصلت على ياسر وطلبت منه أن يأتي لها قبل أن يذهب لعمله لأن لديها صديقة مريضة وتريد منه أن يفحصها.
تجلس ياسمين بجوار غصون النائمة تتوجع على الفراش بقلق تنتظر أن ينتهي ياسر من فحصها حتى يطمأنها
سألها ياسر وهي يضغط برفق على إصابتها اسمك إيه
أجابته بصوت هادىء ممزوج بالألم غصون
سألها عاملة العملية من كام يوم ياغصون
أجابته خمس أيام.
انتهى من فحصها وجلس على أحد الكراسي في الغرفة وسألها آخر مرة أخدتي أدوية للإصابة إمتى
أجابته ماأخدتش حاجة من وقت ماخرجت من المستشفى
تنهد وقال إصابتك ملوث ياغصون وكان محتاج عليه غيار وده محصلش كنتي محتاجة أدوية وحقن تنشف الإصابة وماأخدتيش ومن الواضح إن مفيش أي تغذية ولا راحة
تكلمت ياسمين شوف هي محتاجة إيه ياياسر وأنا هبعت آسر يجيبه وهعملها اللي محتاجاه
رد عليها ياسر وهو يكتب بعض الأدوية تمام ياياسمين وأما ترتاح تيجي المركز أشوفها بالسوناروأعطي أخته الورقة ثم قال لها بهدوء محتاجك في كلمتين ياياسمين
الفصل_التاسع
خرجت ياسمين من الغرفة مع ياسر في نفس الوقت الذي دق فيه جرس الباب معلنا عن قدوم آسر.
جلس ياسر بوجه عابس بينما يدخل آسر قائلا خير طمنيني.. فيه إيه
قبل أن ترد ياسمين قال ياسر متسائلا ممكن أفهم مين ديوقصتها إيه
ردت عليه ياسمين بينما جلس آسر بجوار أخيه وقالت يتعاطف دي بنت مسكينة ملهاش حد ولسه مجروحة زي ماأنت شوفت.
قاطعها ياسر بحزم أيوة ماأنا عارف اللي بتقوليه ده.. بس إزاي كده هو أي حد تدخليه بيتك كده وأنتي متعرفيش وراها إيه.. فرضا دي وراها مشكلة وبتكدب عليكي ولا تعمل فيكي ولا في ولادك حاجة وخصوصا في غياب مراد
اندفعت ياسمين قائلة إيه اللي بتقوله ده ياياسر هتكدب إزاي وأنت شايف حالتها وإصابتها عاملين إزاي
رد ياسر بتفهم وقال مش معنى إن فيه جزء صادقة فيه يبقى كلامها كله صدق أنتي دايما بتندفعي يا ياسمين وبتمشي بعاطفتك وده غلط وأنا خائف عليكي
تدخل آسر قائلا رغم إني مش فاهم الموضوع بالظبط بس كلام ياسر مظبوط يا ياسمين مش أي حد تفتحيله بيتك وتدخليه لمجرد حدوتة قالها
امتعضت ياسمين لسوء فهم أخويها وقالت اسمعوني بس البنت دي كانت ساكنة في العمارة اللي اشتريتها من كام سنة وانا اعرفها من وقت ماجت هي وجوزها وطلبوا يأجروا شقة فيها وكنت بشوفها اما كانت تيجي تدفع الإيجار وبأمانة مشوفتش منها غير دايما
نهض ياسر قائلا ع العموم خدي حذرك برضه وخلي بالك من نفسك ومن ولادك ثم نظر لأولاده الذي يلهون على بعد منه واستكمل وخدي بالك على يزيد ويزن وانا هرجع اخدهم العصر عشان عندي عمليات
نهضت خلفه ياسمين تطمئنه متقلقش ياحبيبي عايزاك تطمن
رد عليها ياسر بحنان أنا بثق فيكي بس خائف عليكي ورغم كل ده الإنسانة اللي جوه دي محتاج رعاية والأدوية اللي كتبتها
أجابت بموافقة حالا هبعت آسر يجيب الدوا وهشوفها محتاجة إيه هعمله
فتح آسر باب المنزل للمغادرة ولكنه تفاجأ بوجود شاب متوسط البنية يناهزه في العمر يقترب منه ويتساءل مش ده منزل مدام ياسمين صاحبة اتيلية ياسمينة
رد عليه ياسر متسائلا أيوة.. أنت مين
قبل أن يرد كانت قد ظهرت ياسمين من خلفه تتحدث بعصبية ده المؤذي جوز البنت المسكينة اللي جوه
زفر ياسر وعلم أن مغادرته الآن ليست في محلها فتلفت حوله وقال لأخته إهدي يا ياسمين
ثم نظر للشخص الواقف أمامه بتفحص ثم سأله أنت جاي عايز إيه
أجابه سعد وهو مطأطئ الرأس جاي آخد مراتي
انفعلت ياسمين قائلة أنت أكيد مجنون مستحي..
قاطعها ياسر بحدة قولت اهدي يا ياسمين مينفعش كده
ثم نظر لسعد وقال وأنت ادخل جوه نتكلم
بعد دقائق قليلة كانت ياسمين تنظر له نظرات حارقة وتهز ساقيها انفعالا من ذلك الشخص قاسي القلب والإحساس وتحاول أن تكظم غيظها بعد أن أمرها ياسر بذلك أكثر من مرة كانت تستمع له وهي تستشيط غاضبا بينما هو يجلس محاولا تبرير فعلته قائلا هي كانت لحظة ضيق وكنت راجع من شغلي قرفان وضيق عني أعصابي فلتت
رد آسر الذي استشف جوهر الموضوع منذ دخول ذلك الرجل ورد ياسمين العنيف عليه قبل دخوله فقال بإنفعال وده مبرر إنك تضر ابنك وتحرم مراتك من أنها تكون أم
تبعه ياسر قائلا أعظم نعمة ربنا من على الأنثى بها هي الأمومة.. اللي أنت زي مابتقول في لحظة ضيق انفعلت وحرمتها منها زي ماكان ممكن في نفس اللحظة تحرمها من الحياة كلها وده بيحصل كتير
امتعض وجه سعد من تأنيب الجميع ولكنه حاول السيطرة على انفعالاته وقال هو اللي حصل حصل وأنا عايز مراتي معايا نرجع بيتنا ولو سمحت ياست ياسمين ناديها عشان نمشي
اندفعت ياسمين قائلة بكل برود أثر عايز تاخدها وترجع بعد اللي عملته بس أنا مش هسمح لك بكده وكمان هي قالت إنها اتطلقت منك
رد سعد مبررا هو يمين رميته عليها في وقت حزنها على أما تهدي وانا رديتها تاني
زفرت ياسمين بضيق وقالت الموضوع مش بالسهولة دي وغصون مش هترجع لك تاني واحمد ربنا إنها مبلغتش عنك ورمتك في المساءلة
انفعل سعد وقال يوووه قولنا وزة شيطان وراحت لحالها وكمان ياستي انتي متعرضيش ودانها دي بت غلبانة ملهاش حد ولا لها ف أي حاجة وأبوها كلمني فاكرها رجعت وبيوصيني عليها وميعرفش أنها مجتش وكنت جايلك تساعديني الاقيها لأنها متعرفش حد بس العمال عندك قالوا أنها كانت معاكي وخرجتي بها من المحل عندك وانا جايلك استلم مراتي نادوها خلونا نخلص.. ياغصون ياغصوووون
اندفع آسر ونهض ولكمه فجأة في وجهه بقوة قائلا أنت لك عين تزعق كمان ياصاحبي صوتك ميعلاش على أختي وإحنا قاعدين وأنت تقوم تغور ملكش حاجة هنا
جذبه ياسر غاضبا اقعد ياآسر بلاش شغل الهمج ده
في نفس اللحظة خرجت غصون تستند على الحائط بيد وتسند بطنها بيدها الأخرى وتقول بخجل أنا مش عارفة اودي وشي منكم فين على القلق اللي عملتهولكم .. مكنتش اعرف ان كل ده هيحصل
وقف سعد بغيظ من لكم آسر له وقال وهو يكتم غيظه ياللا بينا ياغصون.. خلينا نتفض من السيرة دي
نهضت ياسمين مندفعة في وجهه قولتلك مش هتاخدها و اتفضل امشي من بيتي
أوقفهم صوت ياسر القوي الذي دوى في المكان اخرسوا



