عمران جتلى مكالمة مهمه عشان كدا اضطريت ابعد عن جوا واجى ارد هنا.
أردفت فيروزة بأبتسامة لطيفة ماشى ياسيدي هسيبك أنا تروح تشوف بابا عن أذنك.
جاءت أن تذهب لكنه أمسك كفها الناعم قائلا ينفع لما أخلص مع سيادة اللواء نقعد نتكلم مع بعض شوية.
أبتعدت عنه بخجل لو خلصت بدري معاه مفيش مشكلة.
أردفت فيروزة بتوهان تقدرى تقولى أنى عايشة معاه عادى ياتيتا ولا مبسوطة ولا حزينة حاسة أن مفيش فيا روح.
الجدة بقلق هو بيعملك وحش أو بيمد أيده عليكي.
كادت أن تنطق لكنها صمتت عندما تذكرت تحذيره لها فتحدثت بهدوء أبدا هو كويس معايا المهم طمنيني عليكي انتي بتاخدى بالك من صحتك ولا بتطنشى.
الجدة اه ياحبيبتي باخد بالى كويس وبعدين مرات أبني نازلي ربنا يبارك لها وفى صحتها ويرزقها الراحة والسعادة دايما مش مخلياني محتاجة أى حاجة وبتاخد بالها مني كويس.
فيروزة بابتسامة أمي اصلا مفيش منها أتنين ربنا يباركلنا فيها.
اقترب منها أخيها عمر وقام بمسك خديها قائلا بمرح خدودك دى و لا خدود أرانب حلوة ومقلبظة.
ضربته على يديه قائلة بضيق أبعد يارخم خدودى وجعتني وبعدين ما أنت عندك خدود مقلبظة زيي.
جلس بجانبها بس مش حلوة زى اللى عندك وبعدين يابت ايه الحلاوة دى كلها جيباها منين.
اردفت الجدة بابتسامة مرحه من أمك ياخفيف.
عمر أمى تصدقى صح أساسا فيروزة الوحيدة اللى فينا تحسيها نسخة من ماما حتى لون عينياها نفس لون عين ماما مع أن المفروض أن أحنا نطلع شبهها عشان هى مخلفانى.
نظرت الجدة لفيروزة والله فعلا اللى يشوف فيروزة يقول أنها نازلي الصغيرة واللى يشوفها يقول انها بنت نازلي بجد.
عمر ينفع كدا خدى كل الجمال لوحدك ومسبتيش ليا شوية.
ضحكت روزا بخفة قائلة عمر حبيبي أنت حصل لمخك حاجة بجد والله نفسي أدخل جوا دماغك دى وأعرف مين اللى لعبلك فيها.
عمر يابنتي دى دماغ متكلفة اه وربنا مش محتاجة لحد يعني.
فى غرفة خالد وزوجته فكان الباب غرفتهم مفتوح قليلا.
تحدث خالد بغضب عارفة يعني ايه اتقفلت منك يعني مهما عملتي او جبتى حتة من السما مش هرجع تاني زي الأول معاكى ومش همشى ورا كلامك مش عشان أنا وحش وقلبي اسود لأ ده عشان قبل ما أوصل للمرحلة دي اديتلك بدل الفرصة ألف وقولت هتتغير مع الزمن و اديتلك مبررات ما اديتهاش لنفسي وعديت ليكي مواقف ما تعديش وياما جيت على نفسي علشان خاطرك لكن متستهليش هتفضلى طول عمرك أنسانه عندها نقص وقلبها اسود من ظلام شديد أنتى مش شايفة نفسك بقيتي عاملة ازاى أنا حاسس أني عايش مع شيطانه مش بنادمة.
نادية بضيق أنت بتزعقلي كل دا عشان ايه ها عشان أخوك وعياله اللى ميستهلوش.
خالد كفاية بقا حرام عليكي عايزة ايه من أخويا تانى مش كفاية اللى عملتيه زمان ابعدى بقا عنهم وسبيهم فى حالهم.
نادية بحقد لا ياخالد مش هسيبهم أنا لازم أضرهم وأخد منهم كل حاجة وأخلى عامر يتألم بحسرته على عياله.
أمسكها من ذراعيها بقوة وقال بغضب عارفة لو قربتي منهم يانادية والله لأؤذيك.
دفعته بعيد عنها بعنف قائلة دلوقتى هتعمل فيها راجل ياخويا وخايف عليهم مش كفاية عملتلك السوداء زمان بعد ما رميت البت فى الملجأ و اتفقنا أننا نجيب جسم طفلة بدلها وحرقنا الأوضة اللى فيها وبقت جسم غير واضح علشان محدش يتعرف عليها.
أسكتتها صفعته القوية قائلا أخرسى وإياكى أسمعك بتقولى الكلام ده تاني بسببك أنتى رميت بنت أخويا فى الملجأ واشتركت معاكى فى الفعل البشع دى مش عارف أزاى أنا عملت كدا ومشيت وراء كلام حرمه بشعة زيك.
نادية بصوت عال وغضب دلوقتى بقيت أنا اللى وحشه لو أنت كنت راجل بصحيح وبتخاف على أخوك مكنتش سمعت كلام الحرمة دى لكن الكلام كان على هواك ياأستاذ وبعد دا كله روحت خدته وخليته يتبنا بنته قال ايه مهنش عليك أن هى تتربى فى ملجأ وبعيد عنكم بجد أنت أستاذ شاطر دا المفروض الشيطان يقوم يسقفلك على أفعالك السيئة.
جلس على المقعد بتعب شديد وهو يقول أنا فعلا أنسان حيوان ومش راجل عشان خليت أخويا وبنته يعانوا لحد دلوقتى أنا خليت أخويا لحد دلوقتى فاكر أن بنته رحلت لكن هى عايشة وسطنا وقدام عينيه.
قاطعهم صوت متفاجئ ظهر من خلفهم قصدك ايه بالكلام دا يعني كارما لسه عايشة.
أتمنى تقولوا رأيكم فى الرواية بكل صراحة
الفصل الحادى عشر والثاني عشر
ففاضت دموع العين مني صبابة على النحر حتى بل دمعي محملي…
نظر إليهم طارق بذهول لما سمعوا من أبيه فقال بمفاجأة مستحيل اللى بتقوله ده يعنى ايه فيروزة هى كارما طب ازاى ده حصل صحيح أن هى فيها شبه كبير من مرات عمي بس قولت عادى فى ناس كتير شبه بعضها ومش شرط يكون فى صلة قرابه أزاى لا اكيد بتكدبوا.
تحدث خالد بحزن أيوة يابني فيروزة هى نفسها كارما بنت عمك .. زمان أنا وأمك خدنها لما كان عندها شهور وحطيناها فى الملجأ عملت كل ده بسبب كرهي لاخويا اللى امك كانت السبب فيه فضلت تبث كلامها فيا لحد ما بقيت أحقد عليه واقول أشمعني هو بيملك كل حاجة وأنا لأ لأن بابا كان كاتب كل حاجة بأسمه ولحد دلوقتى مرضيش يديني ورثي خايف لاضيعه فقررت أنتقم منه على حرماني من حقي.. أنا اللى أتلفت فى أوضة الأطفال بعد ماخدت فيروزة من سريرها وحطيت طفلة جسم مكانها كنت جايبها من المكان وبعد ماعملت كدا أتلفت الأوضة وده غير أني بعتت رسالة من رقم مجهول بأن حد من أعدائه هو اللى عمل كدا.
تحدث طارق بمفاجأة اكبر انتو يابابا تعملوا كدا وفى مين فى أخوك تحرمه من بنته وتخدعه أن هى رحلت وهى لسه عايشة وفيها الروح أزاى هان عليك أخوك تعمل فيه كدا بجد أنا متفاجئ فيك..
خالد بندم ما أنا مستحملتش اللى عملته فروحت أقنعته بأن هو يتبنى طفل من الملجأ ولما روحنا هناك خليته يختار فيروزة علشان مشيلش ذنب أكبر وعلى الاقل أهى تتربى فى وسطنا من غير ما يعرف أنها من لحمه.
التمعت عين طارق بالدمع ليقول لا برافو عليك أنت أزاى كدا حضرتك واخد بالك من كلامك أنت عارف أنت عملت ايه بسبب طمعكم فى الورث أثرت فيروزة عارف هى كانت بتحس بأيه وهى عايشة معانا دى مفكرة أن أنتم متفضلين عليها مع أن ده من حقها بسببك هى حاسه نفسها يتيمة وأنها متستحقش تعيش طبيعية زينا أو أن هى تعمل حاجة بمزاجها بسببك خليت أخوك يفرق بينها وبين أختها لمجرد أن هو فاكر أنها مش بنته من لحمه ودمه بسببك أثرت روح مالهاش ذنب فى جشعك وحقدك…. أنا لازم أعرف عمي بالحقيقة كفاية لحد كدا لعب.
اقتربت منه نادية سريعا لتقول بغضب أياك تقول حاجة لعمك أنت سامع.
طارق بنفس الغضب لا مش سامع تعرفى ليه لأنك أساس المشاكل اللى أحنا فيها مش كفاية خليتى وليد يخطبها ويرسم عليها أنه بيحبها علشان يكسرها .. نظرت إليه بمفاجأة ليكمل هو دلوقتى عرفت وليد طالع لمين.
أمسك يديه خالد بإرهاق استنى ياطارق أرجوك متقولش لعمك حاجة دلوقتى.
طارق ايه اللى بتقوله ده أنت لسه مصر على القرف ده أنت ايه يأخى لا يمكن تكون أخ أو أب عمرى ماشوفت حد كدا.
أردف خالد بتوسل بص هعملك كل اللى عاوزه و أوعدك أنى هقول لعامر على كل حاجة بس بلاش أنت تقوله.
طارق بعدم صبر هتقوله أمتى.
خالد يومين بالضبط هجهز نفسي كويس عشان أعرف أواجه بالحقيقة وكمان بالأدلة.
طارق ولو مقولتش.
خالد وقتها أبقى أعمل اللى يريحك.
