قرب وحضنني: حورية، قولتلك ميت مرة متعتذريش.
_طلعت من حضنه ومسحت دوعي وأنا مقررة مخليش اليوم ده يبوظ، أنا نفسي أضحي وقت معاه من غير مشاكل.
_قربت منه ولفيت إيديا حولين عنقه بدلال وأنا ببصله ببراءة: حاضر، بس أنت اضحك كده وتعال نكمل اليوم.
ضحك وشدني من خصري: ما تجي نمشي ونكمل اليوم في بيتنا.
_ضحكت ومسكت إيده واخدته ورجعنا نتمشى.
فضلنا نحكي كتير وحكالي حاجات كتير عنه وعرفت عنه كل حاجه.
=شكلها هتمطر، يلا بينا.
_ضحكت: لا لا أنا بحب المطر أوي.
رحيم بضحك: يلا يا هبلة علشان متتعبيش.
رديت بتذمر وغضب طفولي وأنا بدبدب برجلي على الأرض:
_رحيم علشان خاطري خلينا شوية.
*هههههه وقبل ما يتكلم كانت السماء مطرت، سبته وفضلت أرقص تحت المطر. أنا بحب المطر أوي، بفتح إيديا وببرفع رأسي لفوق وبسيبها تغرقني وأنا بنسى كل حاجة وأي وجع جوايا. فضلت ألف حولين نفسي وأنا بضحك، أول مرة أكون فرحانة أوي كده. كان واقف ومربع إيديه قدام صدره ومتابعني وهو بيبيستسم.
جريت عليه ومسكت إيديه واخدته وفضلنا نلعب تحت المطر زي الأطفال.
=يا مجنونة كفاية هنتعب كده.
_هههههه رحيم بالله خلينا شوية.
ضحك وقرب شالني وحطني في العربية وركب جنبي وبدأ يسوق.
_عاااا كنت عاوزة أعد شوية، ليه كده؟
=والله ولما تتعبي هكون مبسوط كده!
_بصتله وابتسمت، حلو أوي إنك تلاقي حد يخاف عليك ويحميك، شخص بابتسامة منه قادر يفرحك وياخدك لعالم تاني.
ههه وصلنا البيت ودخلنا واحنا متغرقين بصينا لبعض وثواني وفضلنا نضحك، كان شكلنا يضحك أوي. طلعنا الأوضة ودخلت بسرعة غيرت هدومي وطلعتله لقيته بيكح.
جريت عليه بخوف ولهفة: رحيم مالك؟ أنت.. أنت تعبت؟
ابتسم ومسك إيدي يطمني: متخافيش يا حورية أنا كويس.
_حطيت إيدي على جبينه لقيت حرارته عالية: رحيم أنت.. أنت سخن أوي.
_ضحك وفرد جسمه على السرير: يا بنتي أنا كويس والله.
_طيب قوم قوم يلا غير هدومك، مستني إيه؟
رحيم بابتسامة: حاضر يا ست الكل هقوم.
قام وفجأة كان هيوقع، سندته بسرعة وقعدته على السرير وجريت جبت هدوم من الدولاب وأنا إيديا بتترعش من الخوف عليه.
ساعدته وغيرتله هدومه وهو بيبصلي وبيبتسم وأنا وشي أحمر من الكسوف.
_خلصت ونومته على السرير وكنت طالعة لقيته مسك إيدي.
رحيم بتعب: حورية متسبنيش.
عيوني دمعت وأنا شايفاه تعبان كده، أنا السبب في اللي حصل، أنا اللي أصريت عليه نفضل تحت المطر. قربت ولفيت إيديا حولين رأسه وحضنته جامد:
_مستحيل أسيبك، هجيب موية باردة وهاجي مش هأتاخر.
*سندت رأسه على المخدة ونزلت بسرعة روحت المطبخ جبت موية باردة وطلعت الأوضة لقيته نام وبيهلوس باسمي. قربت وغطيته ودفيته كويس وقعدت جنبه، فضلت أعمله كمادات وأنا بعيط.
أنا مش عاوزة أشوفه كده، رحيم مصدر قوتي وأنا من غيره ضعيفة، ضعيفة أوي. جبت كرسي وحطيته جنب السرير وقعدت قصاده وأنا ماسكة إيده وبعمله كمادات. مر وقت ونمت على إيده ومحستش بنفسي بعد كده غير وهو بيلادي عليا.
♡قومت مفزوعة لقيته ساند بضهره على السرير وبيبصلي وبيبتسم. قربت منه وأنا ببصله بخوف ولهفة، حطيت إيدي على جبينه أشوف الحرارة لقيتها نزلت خالص.
_انت.. أنت كويس؟ حاسس ب إيه؟
رحيم بحب: أنا كويس يا روحي متخافيش.
حضنته وفضلت أعيط، بادلني الحضن ودفن رأسه في عنقي وفضل يمشي إيده على ضهري.
=بتعيطي ليه؟
_خوفت عليك أوي، أنا آسفة أنا السبب.
رحيم بحب: أنا مش قولتلك متعتذريش؟ وبعدين أنا كويس وزي الفل أهو.
طلعني من حضنه ومسح دموعي: دموعك ديه غالية عليا أوي فمش عاوز أشوفهم تاني.
“الحنية”
أفضل وأجمل حاجة إن ربنا يرزقك بشخص حنين، وديه نادراً لما يبقى حد كده، وأنا محظوظة أوي بوجود رحيم في حياتي، بجد هو أجمل هدية ربنا عوضني بيها.
_ابتسمت وطبعت قُبلة على جبينه: أنا هروح أجهزلك الفطار متتحركش من مكانك، مفهوم؟
رحيم بضحك: مفهوم يا باشا.
ضحكت وسبته ونزلت دخلت المطبخ وعملتله فطار، لقيته واقف وبيجهز نفسه.
_إيه ده؟ أنت رايح فين؟
=لازم أروح الشركة، عندي اجتماع مهم.
سبت الصينية على الترابيزة ووقفت قدامه وأنا ببصله بغضب: لا مش هتروح لمكان.
ابتسم ومسكني من خدودي: معلش يا جميل لازم أروح.
_عليت صوتي بعصبية: قولتلك لا يا رحيم، مش هتطلع من هنا وأنت تعبان كده.
رحيم بضحك: والله كويس متخافيش.
_طيب بس بشرط.
بصلي بدهشة: شرط؟ شرط إيه؟
ربعت إيدي قدام صدري وبصتله بثبات وقوة: أروح معاك، أنا مش هبقى مطمنة طول ما أنت بعيد عني.
=أممم ماشي موافقة.
بصتله بفرحة وحضنته: عااا شكرا.
رحيم بحب: يلا يا مجنونة علشان منتاخرش.
_ماشي.
فرحت أوي إني هروح معاه، كده هبقى مطمنة عليه أكثر وقلبي مرتاح. أخدت هدوم ولبست ونزلتله، كان واقف قدام العربية ولابس نظارته الشمسية. يخرب بيت جماله هو بيروح كده، أكيد كل البنات بتبقى عينهم عليه بس بصراحة حقهم، قرة عيني قمر ومز أوي! فوقت من سرحاني على صوته، قربت ووقفت قدامه.
رحيم بضحك: عارف إني حلو وبخطف القلوب بس مش للدرجة.
اتحرجت ووشي أحمر ولفيت وشي الناحية التانية:
_مغرور أوي.
رحيم بضحك: وربنا بعشقك لما بتقלبي فراولة كده.
_وربنا أنا اللي بعشقك بحلاوة أمك ديه!
_رحيم بقااا.
رحيم بضحك: خلاص خلاص يلا بينا.
_ضحكت وركبنا العربية، وبعد وقت مش كبير.. يعني وصلنا. نزل ومسكني من خصري بتملك وكأنه بيقول للكل إنه خلاص بقى ملكه.
*دخلنا وكانت أنظار كل الموظفين علينا. بصيت لقيت بابا وزينب بنته كمان معاه، كانوا بيبصولى بصدمة واضحة، معطيتهمش اهتمام ورجعت بصيت لرحيم.
اخدني وطلعنا مكتبه، كان مكتب كبير وديكوره جميل أوي وهادئ.
_الله مكتبك جميل أوي!
ضحك وكان هيتكلم بس فجأة لقينا بنت زقت الباب ودخلت حضنته، وأنا وقفت مصدومة.
البارت الثاني عشر:
حوريتي
ضحك وكان هيتكلم بس فجأة لقينا بنت زقت الباب ودخلت حضنته وأنا وقفت مصدومة.
*ببصله بصدمة مش فاهمة حاجة، وفجأة لقيت عيونه بقت حمراء وعروقه برزت من الغضب وزقها بعيد عنه وبدا يزعق بصوت جهوري هز المكان.
كنت أول مرة أشوفه متعصب كده لدرجة خلتني أترعب وأخاف منه.
رحيم بغضب جحيمي: أنتِ إزاااااي تتجرئي تخشي مكتبى كده؟
زينة بخوف: رحيم أنا..
=آخررررسي واطلعي بررررره، مش عاووووز أشوووف وشك برة!
*بصيت للبنت لقيتها بتبصلى بحقد وغل وقربت مني.
زينة بحقد: هى ديه بقا اللي أخدتك مني يا رحيم؟
_قرب ووقف قدامي وبصلها بغضب:
=يعني مش حضرتك اللي خونتيني؟ تو تو.. هى اللي أخدتني منك.. وأكمل بسخرية: هو أنت شايفاني إيه قدامك ها؟ عيل صغير هتضحكي عليه بكلمتين؟ تبقي غلطانة! يلااااه برة وبدون مطرود.
*البنت بصتله بغضب وطلعت.
_حسيته دايخ، سندته وقعدته على الكرسي.
_رحيم ممكن تهدأ؟
رحيم بسخرية: فاكراني عيل صغير هتضحك عليا وأصدقها؟
_ه.. هو دي حبيبته؟
*بصلي كتير بدون ولا كلمة، ومرة واحدة قام وحضnني: أنا آسف على اللي حصل.
_ابتسمت وطبطبت على ضهره: محصلش حاجة، المهم تعال بينا نروح للدكتور.
رحيم بابتسامة: دكتور إيه يا بنتي أنا كويس.
_لا مش كويس ويلا أسمع الكلام.
=حاضر بس أعد هناا وأنا هحضر الاجتماع وأجيلك ماشي؟
ابتسمت: ماشي.
عدل بدلته وطلع، وأنا قعدت على مكتبه وفضلت أقلب في الفون بملل. مر وقت ولقيت زينب بنت مرات أبويا داخلة المكتب وعلامات الغضب على وشها. أنا مبحبش أقول بنت أبويا أو مش هتفرق، كلهم شبه بعض. افتكرت كلام رحيم إني مخافش من أي حد طول ما هو معايا.
*قومت وأنا ببصلها ببرود.
زينب بحقد: شكلك نسيتي نفسك يا حور!
قربت منها وأنا ببصلها بثبات وقوة: تو مدام حورية لو سمحتِ، وياريت لما تتكلمي مع مرات مديرك يبقى بشكل محترم عن كده.
زينب بغضب وشر: أنتِ إزاي تتجرئي وتكلميني كده؟ أنتِ فاكرة نفسك مين؟ ولا فرحانة بالكام يوم اللي قضيتيهم مع رحيم ونسيتي إنك مجرد خدامة ولا نسيتي الضرب والإهانة يا ست حور؟
_ابتسمت ببرود وقعدت قدامها على مكتبه: تو منستش، بس الظاهر أنتِ اللي نسيتي إني دلوقتى مدام حورية نصار يا زينب! حور اللي دلوقتي غير بتعت زمان، بتعت زمان ديه تنسيها خااالص، ودلوقتي بدون مطرود وتفضلي على شغلك.
زينب بصدمة: اتغيرتِ أوي يا حور!
_طبعاً، كنتِ فاكراني هفضل طول عمري البنت المهزوزة الضعيفة اللي انتوا بتضربوها ولا إيه؟ لا يا روحي فوقي، وياريت توصلي سلامي لمدام انتصار وقاسم بيه وتفضلي برة.
*كانت بتبصلي بصدمة، حتى أنا كنت مصدومة من نفسي؛ معرفش جت لي الشجاعة منين إني أرد عليها، ومكنتش أعرف إنه في عيون مراقبانا وواقفة برة بتبصلي بفخر! زينب طلعت وهو دخل وأنا اترميت في حضنه.
_شكراااا.
رحيم بابتسامة: على إيه؟
_من غيرك مكنتش هقدر أواجههم.
=أنا فخور بيكي أوي، عاوزك كده ديما سواء كنت موجود معاكي أو لا، عاوزك قوية واثقة من نفسك ومتسمحيش لأي حد يقلل منك.
_احم جماااعة أنا مغلطتش لما قولت إنه رحيم مصدر قوتي، هو فعلاً كده.
“جميل تلاقي اللي يشجعك ويدعمك في كل الأوقات، والأجمل إنك تلاقي اللي يغيرك للأفضل”
_ابتسمت ولفيت إيديا حولين رقبته: طيب مش هنروح للدكتور بقا؟
ابتسم: نروح علشانك.
ضحكت ولبست شنطتي واخدني وطلعنا روحنا للدكتور وفحصه واداه أدوية.
*رجعنا البيت وكان باين عليه التعب والإرهاق، ساعدته يغير هدومه وفرد جسمه على السرير بتعب.
جبت أكل وأكلنا وعطيته الدواء.
_أنت كويس؟
ابتسم ومسك إيدي باسها: كويس طول ما أنتِ جنبي.
_حضنته وحطيت راسي على صدره: أنا مش عاوزة أشوفك كده.
=كده إزاي؟
قومت وقعدت قصاده: مش عاوزة أشوفك ضعيف، رحيم أنت مصدر قوتي وأنا ضعيفة من غيرك ف علشان خاطري تخلي بالك من نفسك.
_رحيم بابتسامة: حاضر.
فجأة جاتله رسالة خلت ملامح وشه تتحول ١٨٠ درجة وعيونه بقت بقعة دم.
_سألته بخوف: رحيم في إيه؟
رفع الفون وكانت صور ليا مع شخص وهو حاضنني وأنا قريبة منه. بصلي بخوف:
_أنا.. أنا والله ما اعرف حاجة عن ده ولا عمري قابلت حد، صدقني ديه صور متفبركة.
_كان ساكت ومش بيتكلم، حسيت إنه صدق الصور بس أنا.. أنا ما أعرفش حاجة، أنا مش عاوزة أخسره.
حطيت إيديا على قلبه وأنا بعيط: رحيم رد عليا، أنت مصدق الصور ديه؟
_كان ساكت وده صدممني، ده.. معناه إنه رحيم مش واثق فيا! إنهارت وقومت علشان أجرى لبرة بس إيدي شدتني لحضنه مرة تاني.
=أهدى.. أهدى أنا واثق فيكي وعارف إنك مستحيل تعملي كده، أهدى.
_مسكت فيه جامد وفضلت أعيط، أنا ما أعرفش مين اللي عاوز يخرب حياتي بالشكل ده، أنا معملتش حاجة لحد علشان أتاذى بالشكل ده.
_أنا والله ما أعرف حاجة عن الصور ديه ولا حتى مين الشخص ده، صدقني.
=عارف، وعارف مين اللي عمل كده وهندمه، قومي البسي علشان هنروح مشوار.
_مكنتش فاهمة حاجة، قومت ولبست واخدني وطلعنا وأنا مش عارفة ناوي على إيه.
زينب بغضب: أنتِ شوفتهاش وهى بتكلمني؟ ماما القطة المغمضة فتحت وبقالها صوت!
انتصار بخبث: هههههه لا مهو كمان شوية وهتلاقي رحيم باشا جايبها وبيرميها تحت رجلينا، ووقتها سيبهالي وأنا هعلمها الأدب.
زينب بعدم فهم: مش فاهمة حاجة.
انتصار بصتلها بخبث وجابت تليفونها وورتلها الصور: إيه رأيك في المفاجأة ديه؟ تخيلي لما رحيم نصار يشوف حبيبة القلب في حضن واحد تاني هيعمل إيه؟ خصوصاً بعد ما تعرض للخيانة من حبيبته الأولى، ياترى هيعمل فيها ايه؟
زينب بضحكة خبيثة: الله يا ماما! طلعتي بتفكرى.. بس افرض رحيم عرف الحقيقة؟
انتصار بخبث: مظنش هيعرف، سيبك دلوقتي وتعالى نأكل.
زينب بضحك: ماشي.
إليك الجزآن الأخيران من القصة بعد حذف الألفاظ غير اللائقة والعبارات المخالفة:
مر وقت ولقيته وقف قدام بيت أبويا. لا أكيد اللي في بالي مش صح، أكيد رحيم مش هيعمل كده! بصتليه والدموع مغرقة وشي:
_أنت.. أنت مش هتعمل كده؟ مش هترجعني ليه? أرجوك، لو عاوز تعاقبني عاقبني في بيتك بس مترجعنيش ليه. أرجوك أنا ممكن أشتغل خدامة عندك بس مش هستحمل دقيقة معاهم.
_مسح دموعي وحضنني: أهدى.. أهدى بقا، قولتلت مش هعمل حاجة تأذيكي. امسحي دموعك وعاوزك قوية، مفهوم؟ أنا مش عاوز أوفيك ضعيفة، وافتكري كلامي إني مستحيل أعمل حاجة تأذيكي. أهدى واوثقي فيا.
طلعني من حضنه ونزل من العربية ومسك إيدي ودخل خبط على الباب. فتحتله مرات أبويا وهى ببصلي بشماتة وشر وكأنها كانت متاكدة إنه هيجيبني.
انتصار بخبث: كنت متاكدة انك هتجيبها على هنا يا رحيم بيه.
=رحيم بضحك: أومال كنتي فاكرة إيه؟
بصيت لرحيم بصدمة وعدم فهم، أنا مش فاهمة حااااجة!
اشوفكم البارت الجاي
حوريتي
بقلمي “مارينا عبود”
البارت الثالث عشر:
حوريتي
انتصار بخبث: كنت متاكدة انك هتجيبها على هنا يا رحيم بيه.
=رحيم بضحك: أومال كنتي فاكرة إيه؟
بصيت لرحيم بصدمة وعدم فهم، أنا مش فاهمة حااجة!
رحيم بخبث: إيه مش هتدخليني؟
انتصار باستغراب: احم لا أكيد طبعا، اتفضل.
