دخل وهو ماسك إيدي وأنا ببصلهم بخوف ومش عارفة رحيم ناوي على إيه، حتى مرات أبويا وبنتها بيبصوله بصدمة.
=أومال قاسم فين؟
انتصار بخبث: هو في الشغل يا بني.
=أم، طيب كلميه قوليه ييجي علشان في كلام كتير لازم يتقال بخصوص حور.
انتصار بخبث: حاضر. ودخلت وكلمت قاسم وطلبت منه ييجي.
زينب بخبث: تحب تشرب حاجة يا رحيم؟
ابتسم وبصلها: لا يا قمر أنتِ.
*كنت قاعدة جنبه وبضغط على إيده اللي ماسكة إيدي وأنا ببصله بغضب ونار الغيرة جوايا. بصلي وحسيته فهم أنا عاوزة إيه، ابتسم وأنا بصتليه برجاء إنه ميسيبنيش.
مر وقت ومرات أبويا وبنتها بيحاولوا يعملوا كل اللي يقدروا عليه علشان رحيم يبقَى راضي عنهم. الباب اتفتح وبابا دخل، قعد قصاده ومرات أبويا وزينب بيبصولي بشماتة.
قاسم: أيوه يا رحيم بيه، قالوا لي إنك عاوز تقابلني، حور ضايقتك في حاجة؟
بصيت عليه لقيت ملامحه اتغيرت للغضب:
=قولي يا قاسم، أنا لما جيت طلبت إيد بنتك حور مش حذرتكم إنه محدش يتعرضلها؟ حصل ولا محصلش؟
قاسم بتوتر: ح.. حصل يا بيه ومحدش قربلها.
=أمم صح، محدش قربلها!
*ساب إيدي ووقف قدام مرات أبويا ومسكها من شعرها وأنا واقفة مصدومة.
رحيم بصوت جهوري: أنا عمري في حياتي ما مديت إيدي وضربت واحدة، لكن أنتِ أحقر واحدة شوفتها في حياتي.
انتصار بغضب: أنت اتجننت يا رحيم؟
قاسم بخوف: رحيم يا بني إيه اللي حصل؟
=بقاا أنتِ يا روح أمك أنتِ وبنتك عاوزين تلعبوا عليا وفاكرينى هصدقكم وأكذب حورية؟!
قاسم بخوف: أنا مش فاهم حاجة.
=ليه، هى الست هانم مقالتلكش على خطتها هى وبنتها ولا إيه؟
انتصار بتوتر: خطة.. خطة إيه؟ أنت بتتكلم على إيه يا مجنون أنت؟
رحيم بضحكة سخرية: ههههه هو أنتِ فاكرة بجد لما تفبركي صور لمراتي وهى في حضن حد تاني وتبعتهالي هصدق فيها وهجيبهالك بكل سهولة كده؟
*وقفت مصدومة وعيوني بتدمع، أنا.. أنا مكنتش أتووقع في يوم إنها توصل لكده وتتهمني في شرفي! إزاااي؟ بصيت لبابا لقيته بيبص لانتصار بصدمة.. ط.. طيب معقولة بابا كمان مشترك معاها؟ أكيد دول مش بشر، أكيد شياطين! مش معقول يكون في حد بالقسوة ديه!
انتصار بخوف: لا.. لا أنا معملتش حاجة والله.
رحيم سابها وقعد قدامها على الكرسي وهو يضع رجل فوق الأخرى:
=أمم كلامك ده ابقى قوله في النيابة يا حلوة.
انتصار بصدمة: أنت.. أنت بتقول إيه؟
*فجأة اتكسر باب الشقة ودخلت قوات الأمن.
رحيم بغضب جحيمي: أنتِ فاكرة إني مش عارف مصايبك ولا عارف إنك كنتِ بتحبسي حور وتعذبيها من وقت ما أمها ماتت؟ ولا عارف إنك أنتِ اللي اتفقتى مع الكلاب دول علشان يفبركوا الصور لحور، وأنك كمان كنتي متفقة مع محامي علشان تخليني أوقعلك على تنازل بكل أملاكي أول ما أتجوز بنتك؟ لا وكمان كنتي مخططة انك تاخدى الشقة بتعت قاسم وكل فلوسه! ههههه غبية.. أكبر غلط لما فكرتي تلعبى مع رحيم نصار. يلا يا حضرة الظابط خدها بتهمه التعرض لمراتي بالضرب والحبس وكمان التزوير والتشهير بمراتي، وبنتها كمان معاها!
زينب بصدمة: لا يا رحيم أرجوك أنا معملتش حاجة والله، ماما اللي خططت لكل حاجة صدقني أنا مليش دخل، أرجوك بلاش تبعتني السجن!
رحيم بغضب جحيمي: عمريييد خدهم من قدامي!
عمر الظابط: هاتوههم يلا.
رحيم بتوعد: أقسم بالله لخليكي تتمنى الموت ومطوليهوش يا انتصار، هندمك على كل دمعة نزلت من عيون حور، وكل الضرب اللي اتضربتيه منك هيتردلك أضعافه، حتى العذاب اللي عذبتيه لصديقة عمرك! وادي آخره حقدك، ضيعتي نفسك وضيعتي بنتك.
انتصار بجنون: لا أنا مش هخسر فاهم يا ابن نصار، مش هخسر أنا هموتها لك قدامك! واقتربت لتمسك بحور ولكن يد رحيم كانت سبقتها ومسكها ورماها لصديقه الرائد عمر.
عمر: اكتب عندك يا بني قضية جديدة وتهديد بالقتل.
رحيم بهدوء: عمر عاوزك تتوصى بيها.
عمر بابتسامة: والقمر اللي وراك أتوصى بيها كمان.
رحيم بص لزينب وضحك: والله أنت ذوقك، بس خلى بالك.
زينب بغضب: أنت بترموني لبعض؟
عمر برفع حاجب: أمم لا وكمان لسانك طويل، ماشي نشوف الموضوع ده في القسم يا حلوة، هاتوها.
زينب برجاء: رحيم أرجوك أنا معملتش حاجة، أرجوك خليهم يسيبوني وأنا والله هسافر وهبعد عنكم بس متحطنيش في السجن!
رحيم بهدوء: أنتِ اللي اخترت تمشي ورا الشيطانة أمك وده جزاؤك. يلا يا عمر خدهم.
ليأخذهم عمر وسط صراخ زينب وصدمة انتصار الكبيرة.
رحيم وهو يقف أمام قاسم بثبات وقوة: أنت بقا أكبر عقاب ليك هو إني أسيبك في ندملك وتأنيب ضميرك. وعلى فكرة انتصار سحبت كل فلوسك وضيعتك وكانت ناتية تطردك من بيتك وترميك في الشارع لأنها حبت فلوسك وعمرها ما حبتك. وعموماً من النهارده اعتبر نفسك مرفود من شركتي! أنت خسرت كل حاجة يا قاسم، واظن ده أكبر عقاب ليك؛ خسرت واحدة بتحبك وسبتها تموت بحسرتها، وخسرت بنتك اللي كان ممكن تشيلك في عينيها. حتى فلوسك ووظيفتك خسرتهم، وبنتك التانية دلعتها وسبتها لأمك تسمم أفكارها، حتى ديه خسرتها كمان، وأظن ده عقاب كبير ليك.
رحيم بحزن: حورية.
*كنت واقفة مصدومة والدموع مغرقة وشي ومش قادرة أنطق أو أقول حاجة؛ أفرح لأن رحيم أخد لي حقي منهم، ولا أزعل لأني مستاهلش إني أتاذي بالشكل ده؟
بصيت لبابا لقيته بيبصلي بندم، بس بعد إيه؟ بعد فوات الأوان! ديماً الندم مبيجيش غير بعد فوات الأمان، بعد ما بنخسر اللي بنحبهم وندمنا مبيفيدش بحاجة.
محستش بنفسي غير وأنا بقع بين إيد رحيم ومن بعدها محستش بأي حاجة.
*******************..
فوقت لقيت رحيم قاعد قصادي وماسك إيدي وبيبصلي بخوف واضح ولهفة.
_ر.. رحيم.
*قرب مني وباس جبيني: أنتِ.. أنتِ كويسة؟ حاسة ب إيه؟
_أنا فين؟
=أنتِ في بيتك يا حوريتي.
قومت وأترميت في حضنه وأنا بعيط: هما ليه بيكرهوني كده لييييه؟ أنا عملت لهم إيه يا رحيم؟ أنا ليه مش مكتوب لي أفرح؟
=هششش متعيطيش، خلاص أنا معاكي والموضوع انتهى وحقك رجع.
_رحيم متسيبنيش مهما حصل.
ابتسم: مش هسيبك يا حوريتي، أنا جنبك وبعدين كفاية بقا ويلا ننام علشان عندي ليكي مفاجأة بكره.
_مسحت دموعي وابتسمت: بجد؟ مفاجأة إيه؟
رحيم بحب: هتعرفي بكره.
_طيب حلوة ولا في مصايب تاني؟
ضحك وشدني من خدودي: لا خلاص مفيش مصايب، كل اللي جاي هيبقى فرح وسعادة بس أوعدك هعوضك عن كل حاجة.
_ابتسمت بحزن: أتمنى.. أتمنى كلامك يكون صح.
_طلع ونام جنبي على السرير وشدني لحضنه: صح يا حورية وأنا هثبتلك كلامي، يلا نامي وارتاحي عندنا يوم طويل بكره.
_حاضر.
قولتها وحضنته ونمت.
♡♡♡♡♡♡♡♡♡♡♡♡
وفي صباح يوم جديد قومت وفتحت الدولاب علشان أطلعله هدوم ووقعت صورة ليه وكان حاضن بنت.. و..
البارت الرابع عشر (قبل الأخير):
حوريتي
وفي صباح يوم جديد قومت وفتحت الدولاب علشان أطلعله هدوم ووقعت صورة ليه وكان حاضن بنت وكانت نفس البنت اللي شوفتها في الشركة وحضنته وباين إنها حبيبته القديمة. بس ليه محتفظ بصورتها لدلوقتي؟ سرحت وأنا بفكر في الموضوع وفوقت على صوته:
=حوريتي بتعملي إيه؟
_التفت وبصتليه وأنا برفع الصورة قدامه: ممكن تحكيلي موضوع البنت ديه؟
*اخد نفس عميق وقعد على حافة السرير واتنهد وبدا يتكلم وأنا جبت كرسي وقعدت قصاده وبصتليه بتركيز:
=ليه عاوزة ترجعي للماضي يا حوريتي؟ زينة مجرد ماضي صدقيني.
_ابتسمت ومسكت إيده: عاوزة أشاركك، أنا عارفة إن جوات حزن كبير مخبيه عني وأنا حابة أشاركك حزنك قبل فرحك، ممكن؟
♡ابتسم وبدا يحكي:
=بصي يا ستي، من بعد وفاة أهلي عشت فترة عند عمتي وأولادها عمار وتاليا ويوسف (أنا عرفتك على عمار وتاليا أما يوسف مسافر). احم، زينة تبقَى بنت عم عمار وكانت ديماً تزورهم، كانت بنت جميلة وأعجبت بيها.
_سكت ورجعت مسكت إيده وأنا بطمنه: كمل سامعاك.
رحيم بتنهيدة: اتعرفت عليها وبقينا نتكلم كتير وكمان طلعت بتدرس معايا أنا وعمار في كلية الهندسة وده شدني ليها أكتر. وبعد فترة الاعجاب أتحول لحب؛ كنت بخلص كلية وأروح الشركة أكمل شغل علشان أحافظ على شغل بابا. مر كام سنة وفضل حبي لزينة بيزيد، بس في يوم كنت طالع من الكلية وكانت آخر سنة ليا وكنا بنتمشى أنا وعمار في الشارع ولقيتها حاضنة شاب وعمالة تضحك معاه. حاولت أكذب عيا بس لما قربنا أنا وعمار طلعت هى! واجهتها وقتها قالت لي إنها عمرها ما حبتني وأنها كنت فترة في حياتها وأنه احنا مجرد صحاب مش أكتر.. ههههه زي ما تقولي كانت بتتسلى بيه.
_كمل.
=دخلت في حالة انهيار واكتئاب شديد لكن قررت موقفش حياتي عليها، رجعت ذاكرت وخلصت كلية ومسكت شركة والدي، فضل أتعب وأسهر ليل نهار لحد ما بقيت رجل أعمال معروف! ههههه وقتها عملت المستحيل علشان ترجعلي وأنا رفضتها وقررت مرجعش أحب وأركز بس في شغلي، بقيت شخصية قاسية. بس بعدها شوفتك ولخبطتي كياني، مكنتش قادر أشيلك من تفكيري، كنت خايف أقرب بس قررت مضيعكيش من إيدي، وفعلا طلعتي أفضل أخدتيه في حياتي وأجمل حاجة حصلتلي.
_دمعات، أوقات مبنعرفش حكمة ربنا في كل اللي بيحصلنا؛ ربنا بيدخل في حياتنا ناس ويخرجها رغم أننا بنبقا متعلقين بيهم وبنلوم نفسنا أنهم مشيوا، لكن مابنبقاش عارفين إن ربنا هيعوضنا أضعاف وأنه هيجي وقت وهيرزقنا بناس شبهنا تقدرنا وتحبنا وتحطنا في عينيها. وأنا بقولكم متياسوش من رحمة ربنا، كل فترة صعبة هتعدي عليك هتعلمك حاجات عمرك ما كنت تتخيلها.
_قومت وحضنته جامد وهو بادلني الحضن، وجه الوقت اللي أعتترف فيه إني وقعت في حب أبو العيون الرمادية ديه!
_رحيم.
=عيونه.
_أنا بحبك أوووي.
رحيم بابتسامة: وأنا كما.. إييييييه؟ قولي إيه؟
_بعدني عن حضنه وبصلي بدهشة وفرحة وعيون لامعة بالدموع.. جماااعة أبغى أبوز اللحظة وأهرب أنا عيلة والله!
هلالا طبعا مش هبوزها، أنا غلبانة ومش عاوزاكم تدعوا عليا.
_ضحكت أنا لما بتكسف بضحك معلش أنا هبلة استحملوني.
=حورية هو ده وقت سكوت؟ قولي بالله قولي إيه؟
_أنا.. أنا مقولتش حاجة.
رفع حاجبه وبصلي: وحيات أمك؟
_لا مهو مدام حلفني بالغالية فهرجع أقولها بصراحة الولد صعب عليا بس لازم أتقل شوية! ألا عاوزينه يقول عليا إيه، واقعة في دباديبه؟
_بقول إني ههههه.. سكت، مهو أنا لازم أطلع عينه وعينكم كمان معلش أنا كائن نكدي!
=بت.. بت متعصبنيش بقااا.
_احم على فكرة أنت سمعتها.
