رحيم بخبث: مهو أنا لو سمعت كنت قلتلك عيدي الكلمة مثلاً.
_أمم وجهة نظر تُحترم برضوا، حاسة إنه بيستعطفني!
=طب إيه؟
ضحكت: إيه؟
رحيم بضحك: قومي يا حور قومي من هنا علشان معملش حاجة أندم عليها، قومي!
_رفع صباعي في وشة: أعتبره تهديد؟
رحيم بغرور: زي ما تحبي.
_احم ماشي براحتك أنا كنت هقولك بس ملكش في الطيب نصيب.
ضحك بقوة: والله وأنتِ بكده بتغريني يعني؟
_لا.. لا طبعا أنا أقدر؟ يلا أنا هروح أجهزلك الفطار.
رحيم ببرود: ماشي روحي.
_يعني أنت عاوزني أروح؟
=أه روحي. وشاور لي على الباب.. احم جماااعة حاسة إنه بيطردني، حاسة كده!
_رحيييييم.
=إييه؟
_أقول ولا أغور؟
فضل يضحك: لا غوري من هنا.
_يعني أغور ولا أقول؟
_احم مسك المخدة ورماها عليا، أنا قلت برضوا الولد قرة عيني ده زوج أصيل ومحترم وبيحبني جداا جداا!
جريت وطلعت بس رجعتله تاني: طب على فكرة بقااا كنت بقولك بحبك بس أنت زوج مش محترم ومش جدع خالص على فكرة. وسبته وجريت على المطبخ وأنا سامعاه بيضحك.. احم ضحكته ديه بتخطف قلبي يا جماعة والله أنا لو بشحت كده مبحبش إلا هو!
_جهزتله الفطار وطلعت لقيته بيجهز.
_قرة عيني أنت رايح على فين؟
♡ضحك ولف إيديه حولين خصري: أمم أنتِ مش واخدة بالك إنك أخدتِ عليا أوي؟
بصتليه بغرور: طيب أنا غلطانة إني بدلعك؟
رحيم بابتسامة: لا مهو أنا عاوزك تدلعيني بس بالليل وقت المفاجأة يا جميل أنت! وغمزلي المش محترم.
_رحيم.
=قلبه والله.
_حد قالك إنك قليل الأدب ومتربتش؟
*احم جماااعة أنا شايفة إني أخدت عليه أوي فعلاً وشكلي هاخد على دماغي!
_قرب وباس خدي:
=لا أنا محترم مع الناس كلها إلا مراتي.
_لا بجد؟
ضحك: طبعا، وبالليل هثبتلك.
_يا دي بالليل! هو أنت ناوي على إيه؟
_ضحك بخبث: كل خير يا قلبي، كل خير. وباس راسي وسابني ومشى حتى من غير ما يفطر! ياترى ناوي على إييييه؟
البارت الخامس عشر والأخير:
حوريتي
_ضحك بخبث: كل خير يا قلبي، كل خير. وباس راسي وسابني ومشى حتى من غير ما يفطر! ياترى ناوي على إييييه؟
وبعد وقت الخدامة نادتني وقالت لي إنه في ناس تحت منتظريني. نزلت لقيت كام بنت ومعاهم حاجات وفي واحدة ماسكة فستان أحمر كان شكله جميل أوي بس مفتوح من الضهر.
_أنتوا مين؟
البنت بابتسامة: حضرتك مدام حورية؟
_احم أه أنا.
ابتسمت: أنا الميكب آرتست ورحيم بيه طلب مني أجي وأجهزك وكمان بعتلك الفستان ده.
_أه طيب اتفضلوا.
*اخدتهم وطلعت الأوضة، وبعد وقت كنت جهزت وقاعدة مستنياه. سمعت صوته قومت وقفت وعطيته ضهري.
=حوررررية.
_………..
رحيم بضحك: بت لفي وبصيلي.
_ضحكت والتفت بصتليه وأنا متوترة. وقف متنح لدقيقة وفضل يلف حوليا.
رحيم بابتسامة: تعرفي إنك كل يوم بتحلوي أكتر؟
_ابتسمت وبصيت الناحية التانية علشان أهرب من نظراته.
رحيم بضحك: شكلها ليلة جامدة! يلا مين؟
عقدت حواجبي وبصتليه: هنروح فين؟
غمزلي ومسك إيدي: هتعرفي بعد شوية، يلا.
*اخدني وطلع ومشينا بالعربية، محسيتش بالوقت معه بس على ما أظن مر وقت طويل وأنا معرفش هو واخدني على فين لحد ما وقف العربية.
_هو احنا فين؟
ابتسم: إسكندرية يا قطة.
_إسكندرية؟ إزاى؟
ضحك ومسك خدودي: ماحنا طول الطريق بنحكي وأكيد محسيتش بالوقت.
ابتسمت: أنا أصلاً مش بحس بالوقت وأنا معاك.
ابتسم وفتح باب العربية ونزل وأنا نزلت وفضلت أبص حوليا، كانت فيلا جميلة بتطل على البحر شكلها من برة تحفة أوي.
_رحيم احنا جينا هنا ليه؟
رحيم بحب: تعالي معايا.
_مسك إيدي ودخلنا، كان نور الفيلا مطفي.
=ادخلي يا حوريتي.
_طيب نور النور، أنا بخاف أوي من الضلمة.
=ادخلي ومتخافيش أنا معاكي.
دخلت وهو قفل الباب وشغل النور، التفت لقيت الفيلا متزينة وفيه ترابيزة محطوط عليها عشاء رومانسى وشموع! إيه الجمال ده ياجدعان؟ يالهوووى أكاد من فرط الجمال أذوب! عيوني دمعت وجريت عليه:
_ده.. ده كله علشانى؟
ابتسم وباس جبيني: ده أقل حاجة ليكي يا حوريتي.
ضحكت وحضنته: عااااا أنا بحبك أوي.
ضموني لحضنه: وأنا بعشقك.
_طلعت من حضنه وفضلت أبصله كتير وأفكر؛ كنت فين وبقيت فين؟ وقد إيه عوض ربنا جميل أوي! قطع تفكيري صوته:
=إيه رأيك نرقص؟
_ضحكت ورديت عليه بحماس: موافقة.
شغل موسيقى هادية وقرب وقف قدامي وحاوط خصري وأنا لفيت إيديا حولين رقبته وبدانا رقص.
=موافقة نبدأ حياة جديدة وتكوني حورية رحيم نصار؟
ضحكت بخجل: موافقة.
ابتسم رحيم وشال حور وطلع أضتهم وراحوا لبحر عشقهم لتصبح زوجته قولاً وفعلاً.
♡مر أسبوع وأنا وهو عايشين أمل أيامنا في فيلا الإسكندرية؛ عمري ما كنت أتخيل إن حياتي في يوم وليلة تتقلب كده وتتحول من جحيم لجنة!
كنا واقفين بنلعب بالمية عند البحر:
_رحييييم كفاية بقااا.
=طيب تعالي هنا عاوزك.
_عاوز إيه؟
رحيم بضحك: تعالي بس أنتِ خايفة ليه؟
_وأنا أخاف ليه؟ قلت الكلمة ديه وروحتله، وفجأة لقيته شالني!
_عاااا نزلني يا قليل الأدب، نزلني!
رحيم بضحك: ماشي أنا هوريكي قليل الأدب هيعمل فيكي إيه.
_قال الكلمة ديه ودخل البحر! نهار أسود أنا مش بعرف أعوم!
_رحيم عااا مش بعرف أعوم، طلعني.. طلعني بسرعة!
=لا.
_طب على فكرة أنت زوج مش جدع خالص.
رحيم بضحك: اسكتي بقااا.
_رحيم بالله عليك مش بعرف أعوم أنا.
=هعلمك.
_والله هصوت وأفضحك بقاا!
رحيم بضحك: حبيبي المكان ده مفيش حد غيرنا في انسى! قال الكلام ده واخدني ونزل تحت المية المش محترم فضل يعلمني العوم وبعدها رجعنا دخلنا الفيلا بعد محايلة مني.
مر أسبوعين كمان ورجعنا الفيلا بتعتنا في القاهرة.. عااا مكاني المفضّل! بس منكرش إن شهر العسل اللي قضيناه في إسكندرية كان من أجمل أيام حياتي.
كنت واقفة برتب هدومي في الدولاب لقيته حضنني من ظهري. ضحكت وبصتليه، خلاص مبقتش بخاف أتكلم معه ولا بقيت بتكسف منه زي الأول.
=ليكي عندي مفاجأة جامدة.
ضحكت: مش هتبطل مفاجآت؟
رحيم بابتسامة: لا.
_طيب قول وفرحني.
_احم، قدمتلك ورقك في كلية الهندسة هنا في القاهرة، وبداية من السنة الجاية هتبدأي دراسة.
♡بصتليه بصدمة وأنا بأحاول أستوعب، عيوني دمعت! يعني أنا هكمل دراستي وهحقق حلم ماما معقولة؟!
_رحيم أنت.. أنت بتكلم بجد؟
رحيم بحب: طبعا بتكلم بجد، أنتِ من حقك تكملي تعليمك وتحققي حلمك. بس ليه الدموع ديه؟ مش قلتلك مبحبش أشوف دموعك؟
_حضنته.. حضنته جاد جداً؛ أنا بحبك أوي ومهما عملت مستحيل أقدر أوفيك حقك أو أردلك أي حاجة من اللي أنت بتعمله علشانى.
=هششش أنا عاوزك ديماً مبسوطة، سعادتك بالدنيا عندي وأنا معملتش حاجة، عاوزك تذاكري وتحققي حلمك، اتفقنا؟
ضحكت: اتفقنا.
مر شهرين وتعبت أوي ومحستش بنفسي غير وأنا بقع على الأرض، وأول ما فوقت لقيته قاعد قصادي وعيوني مدمعة.
_رحيم إيه حصل؟
رحيم بفرحة ودموع لامعة: هتبقي مامى يا قلب رحيم!
_أنت.. أنت بتكلم بجد؟
_هز راسي وشدني لحضنه: أنا مبسوط أوي وأخيراً هبقَى أب وهيبقى عندي ابن أو بنت منك.
_ضحكت بفرحة وبادلت الحضن وأنا بعيط وبشكر ربنا لأنه عوضني برحيم اللي لولاه مكنتش هبقَى مبسوطة وفرحانة كده.
مرت شهور وبقيت عاملة زي البطيخة وداخلة في الشهر التاسع، وطبعاً رحيم مش بيخليني أقوم من على السرير لكن أنا بواجبى مطلعة عينه!
_رحيييييم.
رحيم بضحك: عيون رحيم.
_ابنك قليل الأدب بيضربني!
رحيم بضحك: معلش يا قلبي حقك عليا.
_رحيم أنا ليه حاسة إنك بتاخدني على قد عقلتي؟
رحيم بضحك: أنا أقدر يا جميل؟
_رحيم أنا عاوزة أعيط.
رحيم بتنهيدة: يخرب بيت أم هرمونات الحمل ديه! بت.. بت أتهدي بقااا.
_رحيم أنت زهقت مني صح؟ قول الحقيقة أنت شايفلك شوفة بره يا خاين!
رحيم بضحك: أهدي يا قلبي أهدي أنتِ في الشهر التاسع وممكن تولدي في أي لحظة هاا.
_رحيم هو أنا أول ما أولد هرجع رفيعة صح؟
=وربنا أنتِ قمر وأنتِ عاملة زي البطيخة كده ههههههههه.
اتعصبت وضربته بالمخدة وفجأة حسيت بألم في بطني.
_رحيم الحقني بولد!
رحيم بضحك: أيوة أيوة أكذبي زي كل مرة.
_صرخت: عااااا يخرب بيتك أنا بتكلم بجد الحقني!
♡ههههه وطبعاً فضل يلف حولين نفسه وأنا أصوت وهو يصوت! يا جدعان أنا الحامل هو بيصوت ليه؟ كان شكلنا يضحك أوي.
_يخرب بيتك يا أهبل خدني المستشفى!
رحيم بضحك: أنا كان مالي ومال العذاب ده ياربي؟
_هو ده وقت ندم يا بني آدم؟ ااااالحقنننى!
♡شالني واخدني المستشفى، وطبعاً طلبت من الدكاترة يخلوه يدخل معايا العمليات وهو اتعقم ودخل وفضل معايا جوه، وأول ما سمعت صوت البيبي دمعنا احنا الاتنين والدكتورة أهطتهوله، كان ولد شبهه بالظبط ونفس عيونه.
_رحيم هاته عاوزة أشيله.
ابتسم وحطه في حضني: يا قلب مامى شبهك أوي يا رحيم، هنسميه إيه؟
=إيه رأيك نسميه تميم؟
_حلو أوي موافقة.
ابتسم وحضني: بحبك يا حوريتي.
_وانا بعشقك يا قلب حوريتك.
♡بعد مرور خمس سنين.. كنت واقفة على المسرح بتكرم في حفل تخرجى من كلية الهندسة بتقدير امتياز وطلعت الأولى على الكلية وحققت حلمي وحلم ماما ورفعت رأس رحيم، وطبعاً ده كله بمساعدته! كان قاعد في أول صف وشايل تميم على رجله اللي بقى عمره خمس سنين دلوقتى.
أخدت الميكرفون ووقفت قدام الكل:
_بصراحة أنا مستحقش التكريم ده، ورا نجاحي وتفوقي في شخص هو اللي يستحق التكريم ده وكان هو أكبر داعم في حياتي؛ شخص علمني يعني إيه حب وإزاى أبقَى شخصية قوية قادرة تدافع عن أحلامها، شخص أخدني من الضلمة وطلعني للنور وحققلي كل حاجة بتمناها ومقصرش معايا في ولا حاجة وهو اللي كان بيساعدني في دراستي. والشخص ده هو وبكل فخر زوجي رحيم نصار، هو اللي يستحق التكريم ده وأنا بفضله واقفة قدامكم وكمان طالعة الأولى على الكلية ومعايا ولد عمره خمس سنين. رحيم أنا حابة أشكرك قدام الناس كلها وأقولك إنه مهما عملت مش هقدر أوفيك ولو جزء صغير من اللي أنت عملته معايا، وحابة كمان أقولك إني بحبك أوي.
سبت الميكرفون وجريت عليه حضنته والناس كلها وقفت تسقف.
رحيم بهمس: أقسم بالله كل يوم عشقي ليكي بيزيد أضعاف يا حوريتي.
ضحكت: بحبك يا عوضي الحلو من الدنيا وأجمل هدايا من ربنا ليااااا.
بعد مرور سنة جبت بنوتة وسميناها فرح، وأنا كل يوم عشقي لرحيم بيزيد أكتر وأكتر.
قصتنا خلصت، حابة أقولكم متياسوش مهما كانت الظروف، أكيد هيجي يوم وربنا هيعوضك وهيكرمك بحاجات عمرك في يوم ما كنت تتخيلها ولا تخطر في بالك.
توته توته خلصت الحدوته، هتوحشونا جدااا.
#النهايه
تمت
“هذه القصة من وحي خيال الكاتب، وأي تشابه بينها وبين الواقع في الأسماء أو الأحداث هو محض صدفة غير مقصودة.”
