منوعات

حكاية زينة وسليم بقلم ياسمين سالم

سليم: إنتِ دايمًا بتقولي لأ ليه؟

 

زينة باستغراب: يعني إيه يا بيه؟

 

سليم: يعني لو حد حاول يساعدك، بترفضي. ولو حد سألك مالك، بتقولي كويسة. ولو تعبانة، بتكملي شغل.

 

زينة ابتسمت بحزن: اتعودت يا بيه إني مابقاش تقيلة على حد.

 

الجملة دي دخلت قلبه بطريقة غريبة.

 

كان نفسه يقول لها إنها عمرها ما هتكون تقيلة عليه، لكنه سكت.

 

سليم: تصبحِي على خير يا زينة.

 

زينة: وحضرتك من أهله.

 

مشي، لكن الليلة دي ماعرفش ينام.

 

كان بيفكر في بنت شايلة هم الدنيا فوق كتافها، ومش لاقية حد يسألها إذا كانت بخير.

 

وكان لأول مرة يحس إنه عايز يكون هو الشخص ده.

 

الفصل الثاني: الغيرة اللي فضحت صاحبها

 

عدى شهر، وزينة بقت جزء من البيت الكبير، والحاجة زينب اتعلقت بيها جدًا، لدرجة إنها بقت تطلب منها تقعد معاها وقت العصر وتشرب معاها الشاي.

 

وفي يوم، كانت زينة بتساعد الحاجة زينب في ترتيب دولابها، فقالت لها:

 

الحاجة زينب: يا زينة، إنتِ بتعرفي تقري وتكتبي؟

 

زينة: أيوه يا حاجة، كنت في كلية تجارة، بس سبتها لما أبويا مات.

 

الحاجة زينب اتفاجئت: كنتِ في كلية؟!

 

زينة: أيوه، بس الظروف حكمت عليا أشتغل.

 

الحاجة زينب: يا خسارة يا بنتي، العلم ده نعمة. طب ليه متكمليش؟

 

زينة: نفسي والله، بس أمي محتاجاني، وأخويا لسه صغير.

 

الحاجة زينب: ربنا يفرجها عليكي يا بنتي.

 

كانت زينة بتلم الهدوم، لما دخل سليم فجأة.

 

سليم: أمي، كنتِ عايزاني؟

 

الحاجة زينب: أيوه يا ولدي، تعالى.

 

دخل وقعد، لكنه لاحظ إن عيون زينة كانت محمرة شوية.

 

سليم: فيه إيه؟

 

الحاجة زينب: ولا حاجة، كنا بنتكلم عن تعليم زينة.

 

سليم بص لها: وإيه اللي حصل؟

 

زينة بسرعة: مفيش يا بيه.

 

الحاجة زينب: البنت كان نفسها تكمل تعليمها، لكن ظروفها منعتها.

 

سليم سكت، وبعد لحظة قال:

 

سليم: وماله؟ التعليم مش هيروح في حتة. ممكن تكملي تعليمك.

 

زينة بصت له بدهشة: بس يا بيه…

 

سليم: مفيش بس. لو عندك رغبة، شوفي تقدري ترجعي إزاي.

 

زينة: ربنا يكرم حضرتك.

 

سليم: أنا مش بعمل حاجة. ده حقك.

 

خرج سليم، والحاجة زينب ابتسمت وهي بتبص لزينة.

حاجة زينب: ربنا يرزقك بابن الحلال اللي يصونك يا بنتي.

 

زينة ابتسمت بخجل: آمين يا حاجة.

 

لكنها ماكنتش تعرف إن الشخص اللي كان بيتمنى يسمع منها كلمة واحدة بقى موجود على بُعد خطوات منها.

 

بعد كام يوم، جه ابن عم سليم، فارس، يزورهم.

 

فارس كان شاب مرح، بيحب الهزار، وكان دايمًا بيحاول يضايق سليم بكلامه.

 

دخل البيت، وقعد مع الحاجة زينب وملك، ولما زينة دخلت تقدم العصير، ابتسم لها.

 

فارس: إيه الجمال ده؟ إنتِ جديدة هنا؟

 

زينة: أيوه يا فندم.

 

فارس: اسمك إيه؟

 

زينة: زينة.

 

فارس: اسم على مسمى والله.

 

زينة ابتسمت بأدب وحطت العصير على الترابيزة.

 

في اللحظة دي دخل سليم.

 

سليم: فارس!

 

فارس: يا أهلاً بالكبير، تعالى اقعد.

 

سليم قعد، وعينه راحت لزينة اللي كانت بتلم الأكواب.

 

فارس: مالك يا سليم؟ وشك اتقلب ليه؟

 

سليم ببرود: مفيش.

 

فارس: أمال إيه؟ أنا كنت بتعرف على زينة، البنت شكلها محترمة.

 

سليم بص له نظرة حادة: وهي مش محتاجة تقييم من حد.

 

فارس ضحك: يا عم أنا بمدح فيها!

 

سليم: خلصت قهوتك؟ عندنا شغل.

 

فارس رفع حاجبه: إنت مستعجل على طردي كده ليه؟

 

سليم: عشان ورايا شغل.

 

خرج فارس وهو بيضحك، لكنه فهم إن فيه حاجة غريبة بتحصل لابن عمه.

 

أما سليم، ففضل متضايق طول اليوم.

 

وفي المساء، قابل فارس عند الأرض الزراعية.

 

فارس: إيه يا كبير، هو أنا لوحدي اللي واخد بالي؟

 

سليم: واخد بالك من إيه؟

 

فارس: من اللي اسمها زينة.

 

سليم وقف وبص له: مالها زينة؟

 

فارس: الله! بتسألني أنا؟ ده إنت كنت هتاكلني بعينك لما كلمتها.

 

سليم: فارس، اقفل الموضوع ده.

 

فارس قرب منه وقال بجدية:

 

فارس: يا سليم، أنا ابن عمك وصاحبك، وعارفك من وإنت عيل. إنت عمرك ما اهتميت بواحدة بالطريقة دي. لو قلبك مال ليها، متظلمهاش.

 

سليم اتنهد وبص للأرض.

 

سليم: أنا مش فاهم نفسي يا فارس.

 

فارس ابتسم: يبقى فهم نفسك قبل ما البنت تتعلق بيك وتتوجع.

 

الكلام فضل في دماغ سليم طول الليل.

 

لكن المشكلة بدأت لما نادية بنت عمه عرفت إن سليم بقى مهتم بزينة.

نادية كانت بتحبه من سنين، وأهلها كانوا متفقين مع عمها جابر إن الجواز يتم أول ما سليم يوافق.

 

دخلت على أمها وهي متعصبة.

 

نادية: إنتِ سمعتي اللي بيحصل في بيت عمي؟

 

أم نادية: مالك يا بنتي؟

 

نادية: البنت الخدامة الجديدة، زينة، سليم بقى مشغول بيها طول الوقت.

 

أم نادية: إنتِ بتقولي إيه؟

 

نادية: زي ما بقولك. بيسأل عليها، وبيزود مرتبها، وبيجيب لها هدايا.

 

أم نادية: وإنتِ عرفتي منين؟

 

نادية: أنا مش عمياء يا ماما. أنا عايزة أتجوزه من سنين، وفي الآخر ييجي يتجنن على خدامة؟

 

أم نادية: اهدي، الكلام ده لازم يوصل لعمك جابر.

 

نادية ابتسمت بمكر: وأنا هخلي الموضوع يوصل له بطريقة تخليه يكره وجودها في البيت.

 

وفي اليوم التالي، كانت زينة بتنضف الصالة، لما دخلت نادية من غير استئذان.

 

نادية: إنتِ يا بت!

 

زينة: أيوه يا هانم؟

 

نادية: إنتِ مش عارفة نفسك هنا؟

 

زينة: مش فاهمة حضرتك.

 

نادية: إنتِ شغالة، يعني تشوفي شغلك وتسكتِي. مش كل شوية تظهري قدام سليم وتعملي نفسك الغلبانة.

 

زينة وشها احمر من الإهانة.

 

زينة: أنا معملتش حاجة يا هانم.

 

نادية: لأ، إنتِ بتلعبيها صح. بتعملي نفسك بريئة عشان تخطفي ابن عمي.

 

زينة: والله يا هانم أنا…

 

نادية: اسمعي، لو فاكرة إنك هتطلعي من هنا عروسة سليم السيوفي، تبقي بتحلمي. ده مش مستواكي، ولا عمرك هتكوني من عيلتنا.

 

كانت زينة بتحاول تمنع دموعها، لكن نادية كملت:

 

نادية: وإوعي تفتكري إن اهتمامه بيكي معناه إنه بيحبك. الرجالة بتتسلى يا حبيبتي، خصوصًا لما يلاقوا بنت غلبانة وسهلة تتأثر بكلمتين.

 

وفجأة جه صوت سليم من خلفها:

 

«إنتِ بتقولي إيه يا نادية؟»

 

نادية اتجمدت مكانها.

 

سليم كان واقف عند باب الصالة، وملامحه غاضبة.

 

نادية: سليم! أنا كنت…

 

سليم: كنتِ إيه؟ بتقللي من بنت واقفة في بيتي وبتشتغل عندنا بأمانة؟

 

نادية: أنا بنت عمك، وبحافظ على سمعتك.

 

سليم: سمعتي مش محتاجة حد يحافظ عليها بالإهانة. وزينة دي محترمة أكتر من ناس كتير.

 

نادية: يعني إنت بتدافع عنها قصادي؟

 

سليم: أيوه، وبقولك لو اتكرر الكلام ده تاني، مش هسمحلك تدخلي البيت

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى