منوعات

حكاية زينة وسليم بقلم ياسمين سالم

دية بصت له بصدمة، وبعدها خرجت وهي بتكتم غضبها.

 

سليم لف ناحية زينة، لقاها منزلة وشها وبتعيط.

 

سليم بصوت هادي: زينة.

 

زينة مسحت دموعها: حاضر يا بيه.

 

سليم: ارفعي راسك.

 

زينة رفعت عينيها بصعوبة.

 

سليم: إنتِ مش أقل من أي حد، فاهمة؟

 

زينة هزت راسها.

 

سليم: ومحدش له حق يهينك، حتى لو كان مين.

 

زينة بصوت مكسور: بس أنا فعلًا خدامة هنا يا بيه.

 

سليم اتوجع من الجملة.

 

سليم: إنتِ بتشتغلي هنا، وده مش عيب ولا يقلل منك. العيب في اللي بيهين إنسان عشان ظروفه.

 

سكت شوية، وبعدين قال:

 

سليم: لو عايزة تسيبي الشغل بسبب اللي حصل، مش همنعك، لكن مش عايزك تاخدي قرار وإنتِ مكسورة.

 

زينة بصت له بامتنان، لكنها ماقدرتش ترد.

 

خرج سليم، وفضلت هي مكانها بتفكر في كلامه.

 

ولأول مرة بدأت تسأل نفسها: ليه سليم بيعمل كل ده عشاني؟

 

الفصل الثالث: اعتراف تحت المطر

 

في ليلة من الليالي، كانت الدنيا بتمطر بغزارة.

 

زينة كانت في أوضتها الصغيرة الملحقة بالبيت، بتكلم أخوها يوسف، وفجأة سمعت صوت أمها بتتألم من خلال التليفون.

 

زينة: يوسف! إيه اللي حصل؟

 

يوسف بصوت مخضوض: ماما تعبت يا زينة، وبتقول إنها مش قادرة تتنفس كويس.

 

زينة قامت من مكانها وهي بتترعش.

 

زينة: خدها المستشفى حالًا، وأنا جاية.

 

خرجت من أوضتها بسرعة، لكنها لقت البوابة مقفولة، والبواب مش موجود.

 

كانت بتعيط ومش عارفة تعمل إيه، لحد ما شافت سليم نازل من السلم.

 

سليم: مالك؟ بتعيطي ليه؟

 

زينة: أمي يا بيه، تعبت أوي، ولازم أروح لها.

 

سليم: طب يلا، العربية جاهزة.

 

زينة: بس حضرتك…

 

سليم: مفيش وقت للكلام، اطلعي العربية.

 

ركبت معاه، وانطلق بيها للمستشفى وسط المطر.

 

طول الطريق كانت بتدعي ربنا، وسليم كل شوية يبص لها من غير ما يتكلم.

 

وصلوا المستشفى، وجروا على غرفة الطوارئ.

 

الدكتور خرج بعد شوية وقال إن الحالة محتاجة تدخل سريع، وزينة بدأت تنهار.

 

زينة: يا رب، دي أمي الوحيدة، يا رب متحرمنيش منها.

 

سليم وقف جنبها وقال:

 

سليم: اهدي يا زينة، ربنا كبير.

 

زينة: أنا معنديش غيرها يا بيه، لو راحت أنا هبقى لوحدي

سليم بص لها بحزن: مش هتبقي لوحدك.

 

كانت الجملة بسيطة، لكنه قالها من قلبه.

 

وبعد ساعات، خرج الدكتور وطمّنهم إن أمها عدت مرحلة الخطر.

 

زينة سجدت لله شكرًا، وبعدها رجعت قعدت جنب أمها.

 

سليم كان واقف عند الباب، مستعد يمشي، لكنها نادته.

 

زينة: سليم بيه!

 

كانت أول مرة تناديه باسمه من غير كلمة بيه.

 

وقف وبصلها.

 

زينة ارتبكت: أقصد… حضرتك تعبت معايا، ربنا يجازيك خير.

 

ابتسم: ولا تعب ولا حاجة.

 

زينة: مش عارفة أشكرك إزاي.

 

سليم: ادعيلي بس.

 

زينة ابتسمت: ربنا يرزقك بالزوجة الصالحة اللي تفرح قلبك.

 

ابتسامته اختفت للحظة.

 

سليم: وإنتِ؟

 

زينة باستغراب: أنا إيه؟

 

سليم: إنتِ مش بتدعي لنفسك؟

 

زينة: بدعي ربنا يسترها معايا، ويشفي أمي، وأقدر أربي أخويا.

 

سليم: وبس؟

 

زينة: هو فيه أكتر من كده؟

 

سليم فضل باصص لها، وبعدين قال:

 

سليم: فيه حاجات كتير يا زينة، بس مش كل حاجة بنطلبها بتكون بإيدينا.

 

خرج من المستشفى، وهو عارف إنه وصل لمرحلة مش قادر يخبي فيها مشاعره أكتر من كده.

 

تاني يوم، رجعت زينة البيت بعد ما اطمنت على أمها.

 

دخلت المطبخ، ولقت ملك بتجري عليها وتحضنها.

 

ملك: حمد لله على سلامتك يا زوزو! ماما قالتلي إن والدتك تعبت.

 

زينة: الله يسلمك يا حبيبتي.

 

ملك: وسليم هو اللي وصلك؟

 

زينة: أيوه.

 

ملك ابتسمت بخبث: هو بقى بيعمل حاجات كتير عشانك يا زينة.

 

زينة: ربنا يكرمه، ده صاحب فضل عليا.

 

ملك: وإنتِ مش حاسة بحاجة؟

 

زينة: بحاجة إيه؟

 

ملك: يا بنتي متستهبليش!

 

زينة بصت لها بخجل: ملك، إنتِ عارفة إن الكلام ده مينفعش.

 

ملك: مين قال إنه مينفعش؟ هو إنسان وإنتِ إنسانة، والقلوب مش بتختار بالنسب.

 

زينة: بس هو كبير البلد، وأنا بنت بسيطة شغالة عنده.

 

ملك: هو سليم نفسه عمره ما كان بيبص للناس بالطريقة دي.

 

زينة سكتت، وفضلت طول اليوم تفكر في الكلام.

 

في المساء، سليم كان قاعد في الجنينة، ولما شاف زينة خارجة من المطبخ ناداها.

 

سليم: زينة، تعالي.

 

زينة وقفت على مسافة مناسبة: أيوه يا بيه؟

 

سليم: عايز أتكلم معاكي في موضوع.

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى